Ordu.az erməni KİV-lərinə istinadən xəbər verir ki, dünən işğal altında olan Qarabağda mina partlayışı nəticəsində yaralanan 19 yaşlı erməni əsgəri Narek Hoveyan hələ də Xankəndi hospitalının reanimasiya şöbəsindədir.

Onun Ermənistana təxliyyə edilməsi məsələsi müzakirə olunsa da, bu müxtəlif səbəblərdən mümkün olmayıb. Səbəblərdən biri də əlverişli hava şəraitinin olmaması ilə bağlıdır.

Məlumata görə, İrəvandan Qarabağa helikopter gəlməli idi, lakin hava şəraitinə görə uçuş təxirə salınıb. Bu məlumatı Ermənistan müdafiə nazirliyinin mətbuat katibi Artsrun Hovhanisyan da təsdiq edib.

Onun sözlərinə görə, hava şəraiti yenidən qeyri qənaətbəxş olarsa, yaralı əsgər avtomobillə təxliyyə ediləcək.

Xatırladaq ki, İrəvan sakini olan yaralı erməni əsgərin vəziyyəti ağır olaraq qiymətləndirilir.

Alpər Mövludoğlu
Ordu.az