Ərdoğan: Türkiyə münasibətləri normallaşdırmaq üçün Suriya ilə dialoqa hazırdır

2024/06/1718175108.jpg
Oxunub: 148     06:12     03 İyul 2024    
Türkiyə Prezidenti Rəcəb Tayyib Ərdoğan ikitərəfli münasibətlərin normallaşdırılması üçün Suriya ilə dialoqa hazır olduğunu təsdiqləyib.

Ordu.az “TRT Haber”ə istinadən xəbər verir ki, bunu dövlət başçısı Ankarada onun sədrliyi ilə keçirilən Nazirlər Kabinetinin iclasının yekunlarına dair xalqa videomüraciətində bildirib.

”Hesab edirik ki, xarici siyasət sağlam düşüncə rəhbər tutulmalıdır. Lazım olanlarla görüşməkdən imtina etməyəcəyik”, – qonşu Suriya ilə 2012-ci ildə kəsilmiş diplomatik münasibətlərin bərpası imkanlarından danışan Ərdoğan söyləyib.

Onun sözlərinə görə, Türkiyənin xarici ərazilərə iddiası yoxdur, onun prioriteti “Suriyanın ərazi bütövlüyü və milli birliyini qorumaqdır”.

Eyni zamanda o, Ankaranın ona bitişik ərazidə terror dövlətinin yaradılmasına imkan verməyəcəyini və yaranan terror təhlükəsi tamamilə aradan qaldırılana qədər tədbirlər görəcəyini vurğulayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ərdoğan   Türkiyə   Suriya  


Bizi "telegram"da izləyin