"Suriya" sözünə uyğun 4406 nəticə tapıldı!

Misir prezidenti Şoyqu ilə regional böhranları müzakirə edib

2019/11/33308-1573639620.jpg
Oxunub: 322     14:06     13 Noyabr 2019    
Misir Prezidenti Əbdül-Fəttah Əl-Sisi və Rusiya Müdafiə naziri Sergey Şoyqu bölgədəki müxtəlif böhranlarda siyasi həll yollarına riayət etməyin vacibliyi mövzusunda razılığa gəliblər.

Ordu.az xarici KİV-lərə istinadən xəbər verir ki, Sisi Şoyqu ilə görüşü zamanı iki ölkə arasında hərbi əməkdaşlığı və ortaq təlimləri artırmağı müzakirə edib.

Görüşdə Suriya və Liviya da daxil olmaqla bir sıra regional böhranlarla əlaqəli son yeniliklər barədə müzakirələr aparılıb.

Sisi və Şoyqu Yaxın Şərqdəki problemlər fonunda, xüsusən də bölgədən kənara çıxan problemlər fonunda ikitərəfli maraq doğuran müxtəlif regional məsələlər üzrə məsləhətləşmə və koordinasiya kanallarının artırılmasının vacibliyini vurğulayıblar.

Rusiya Müdafiə naziri, xüsusilə terrorizm və ekstremizmə qarşı mübarizədə iki ölkə arasında birgə əməkdaşlıq əlaqələri çərçivəsində hərbi və təhlükəsizlik aspektlərinin birləşdirilməsinin vacibliyini də ifadə edib.

Qeyd edək ki, Rusiyanın Müdafiə naziri, Misir-Rusiya Hərbi və Texniki Əməkdaşlıq Komitəsinin altıncı iclasında iştirak etmək üçün bazar ertəsi Qahirəyə gəlib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Misir   Rusiya   Hərbi-əməkdaşlıq