"Xaçaturov" sözünə uyğun 170 nəticə tapıldı!

“1 Mart”da Qarabağ cəbhəsi boş olub? – ƏTRAFLI

2019/08/01-40-1565782710.jpg
Oxunub: 831     20:37     19 Avqust 2019    
“Əmri kimdən, Qarabağ (qondarma qurum-red.), yoxsa Ermənistan hakimiyyətindən alıb? Bu çox prinsipial sualdır. Bununla “1 Mart” işi üzrə istintaq dairəsini genişləndirmək olar. Hakobyan İrəvandan əmr alıbsa, o zaman o, öz növbəsində Oqanovskiyə əmr verib. Bu halda Qarabağın subyektivliyi harda qaldı?”.

Ordu.az xəbər verir ki, bu barədə erməni KİV-lərində müəllif yazısı dərc olunub.

Müəllifə görə, 2008-ci ilin mart hadisələrində işğal altında olan Qarabağdan Ermənistana qoşun gətirilməsi detallarına Movses Hakobyan bu cür reaksiya verib.

“General Samvel Karapetyanın yayılan ifadəsindən məlum olduğu kimi, 2008-ci il fevralın 23-də Dağlıq Qarabağın müxtəlif bölmələrindən Ermənistana ilk növbədə 300, daha sonra əlavə olaraq 400 hərbi qulluqçu gətirilib. Həmin ifadəsində general Karapetyan qeyd edir ki, həmin müddət ərzində erməni tərəfi Qarabağda daha sonra bərpa etdiyi, müəyyən mövqeləri itirib. Dindrimə ifadəsinin yayılmasından sonra niyə sərhədlərin zəiflədilməsi hesabına əsgərlər Ermənistana gətirilib deyə, sorğu-suallar sələndirilməyə başlayıb.

Həmin günlərdə Qarabağdakı erməni “hərbi birləşməsi”nin komandiri, hazırda Ermənistan Müdafiə Nazirliyinin Baş hərbi müfəttişi Movses Hakobyan məsələyə münasibət bildirərək, ifadə edib ki, ilk növbədə məxfi hesab edilən ilkin araşdırma materiallarının niyə dərc edildiyini dərk etmək lazımdır. İnqilabdan sonra yeni şəraitə tez uyğunlaşan general Hakobyanın cavabları, yumşaq desək, qəribədir və yeni suallar yaradır. Robert Köçəryan və digərlərinin məhkəmə işlərinin çoxdan yayıldığını nəzərə alsaq, artıq bu kimi araşdırmaların məxfi hesab edilmədiyi qənaətinə gəlmək olar. Həmçinin əgər yayılan dindirilmə materiallarında və digər hallarda cinayətə yol verilibsə, bu məsələ ilə aidiyyəti qurumlar məşğul olmalıdır”, - deyə müəllif bildirib.

Müəllif qeyd edir ki, Hakobyan məxfi məlumatların yayılmasına görə narahat olmamalı, konkret sualları cavablandırmalıdır.

“Əmri kimdən, Qarabağ (qondarma qurum-red.), yoxsa Ermənistan hakimiyyətindən alıb? Bu çox prinsipial sualdır. Bununla “1 Mart” işi üzrə istintaq dairəsini genişləndirmək olar. Hakobyan İrəvandan əmr alıbsa, o zaman o, öz növbəsində Oqanovskiyə əmr verib. Bu halda Qarabağın (qondarma qurum-red.) subyektivliyi harda qaldı? Bu hərəkət, Qarabağ mənşəli iki prezidentin Qarabağın subyektivliyini məhv etmə, cəbhə xəttini zəiflətmə, ordu generallarını cinayətkar oliqarxların bir hissəsinə çevirməklə və cinayətkar əməllərə təhrik etmə yolu ilə faktiki olaraq Ermənistan hakimiyyətini ələ keçirdikləri mənasını daşıyacaq. Əlbəttə, Hakobyan və Oqanovskinin İrəvandan gələn əmri vasitəçilərlə, Xankəndi vasitəsilə aldıqları müəyyən edilsə belə vəziyyət köklü şəkildə dəyişmir. Bu halda “1 Mart” üzrə məsuliyyət daşıyanların siyahısı genişlənir. Azərbaycan-Ermənistan sərhədindən barrikadaları İrəvan küçələrinə gətirməklə, düşmən əvəzinə Ermənistan vətəndaşlarını hədəf almaqla, bax bu cür Köçəryan-Sarkisyan cütlüyü Qarabağın taleyindən narahat olublar.

General Hakobyanın “günahsız” cavabından sonra Ermənistanın fəaliyyətdə olan hakimiyyətinə də suallar yaranır. Qarabağdakı “hərbi birləşmə”nin iki yüksək vəzifəli rəsmisi faktiki olaraq, “1 Mart”dakı qanlı hadisələrdə iştirak etdiklərini etiraf edirlər. Köçəryanın işi üzrə yüksək vəzifəli generalların adı keçirsə, digər yüksək vəzifəli hərbçilərə qarşı niyə ayrı-seçkilik və humanist yanaşma bəslənib. Hətta Hakobyan yeni hakimiyyət dövründə yüksək vəzifəyə təyinat da alıb. O, ilkin araşdırma ilə əməkdaşlıq edərək, əhəmiyyətli məlumatlarmı verir, yoxsa digər digər motivlərlə qarşı-qarşıya qalmışıq? Bu “1 Mart” işinin legitimliyinə təsir edə biləcək, prinsipial məsələdir”, - deyə müəllif yazısında vurğulanır.

İlkin istintaq, “1 Mart” işi üzrə Qarabağdakı hərbçilərin iştirakı məsələsi ilə də məşğul olurmu, yoxsa bu məsələ Köçəryan və digərlərinin işində, məsuliyyəti yalnız Seyran Ohanyan və Yuri Xaçaturovun üzərinə atmaqla sürüşdürülüb? Bu sual da əsas məsələlərdən biridir.

Müəllif yazısında hesab edilir ki, nüfuzlu orqan sensasiya xətrinə boş məlumat yaymaz.

“BBC-nin məlum məlumatından sonra ictimaiyyətin bu sualların cavabını bilməyə haqqı var. “Mən hərbçiyəm və əmr yerinə yetirmişəm”, ifadəsi hərbçiləri məsuliyyətdən doğrudanmı azad edir və Seyran Ohanyan, Yuri Xaçaturova qarşı da cinayət təqibinin dayandırılmasını əhatə edir, yoxsa siyasi hakimiyyət və ilkin istintaq orqanlarının subyektivliyi ilə üz-üzə qalmışıq? Digər tərəfdən Ermənistan Konstitusiya məhkəməsinin müraciətini alan İnsan Haqları üzrə Avropa Məhkəməsi ötən gün bu kimi müraciətlərin necə araşdırıldığı barədə detallar açıqlayıb. AİHM köhnə sistemin nümayəndələrinə işarə edib ki, Starsburqdan daha susdurucu surprizlər əldə etsinlər. AİHM izah edir ki, İnsan Haqları üzrə Avropa konvensiyasının 16-cı protokolu məsləhət fikri üçün müraciət edilməsinə imkan verir.

Məhkəmə müraciəti qəbul və ya rədd etmə haqqında qərar qəbul edə bilər. 5 hakim müraciətin qəbul edilib-edilməyəcəyinə qərar verəcək. Rədd edildiyi halda isə açıqlama veriləcək. Gördüyünüz kimi, Konstitusiya məhkəməsinin müraciətinin prioritet qaydada müzakirəsi haqqında heç bir xatırlatma yoxdur. Bundan əlavə qeyd edilir ki, böyük palatanın verdiyi məsələhət xarakterli fikirlər icra edilmək üçün məcburi deyil”, - deyə müəllif sözlərinə yekun vurub.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Qarabağ   1-Mart