"Xaçaturov" sözünə uyğun 161 nəticə tapıldı!

Hakopyan Qarabağdan Ermənistana hərbçi göndərilməsini təkzib edib

2019/05/12242-1559131715.jpg
Oxunub: 876     17:07     29 May 2019    
“Qarabağdakı silahlı birləşmədən heç kim bu hadisələrdə iştirak etməyib”.

Ordu.az erməni KİV-lərinə istinadən xəbər verir ki, bu sözləri Ermənistan Silahlı Qüvvələrinin Baş Qərargahının keçmiş rəisi, Baş hərbi inspeksiyanın rəisi Movses Hakopyan deyib.

O təsdiq edib ki, həqiqətən də, “1 Mart” işi üzrə dindirilib.

“Müdafiə ordusunun (Qarabağda qanunsuz dislokasiya olunan hərbi birləşmə nəzərdə tutulur-red.) hərbi qulluqçuları 2008-ci il “1 Mart” hadisələrində iştirak ediblər. “1 Mart” işi üzrə özü dindirilsəm də, Qarabağdakı silahlı birləşmədən heç kim bu hadisələrdə iştirak etməyib”, - deyə o bildirib.

Jurnalistlərin yaradılacaq istintaq komissiyasının aprel döyüşlərinin razılaşma əsasında baş verdiyini aşkar edə biləcək iddialarına dair sualını cavablandırarkən, Hakopyan qeyd edir ki, belə bir hadisənin baş vermə ehtimalı istisna edilir.

Qeyd edək ki, aprel döyüşlərinin razılaşma əsasında baş verdiyini ölən erməni hərbçilərin valideynləri də tez-tez vurğulayırlar.

Xatırladaq ki, 2008-ci ildə müxalifət Levon Ter Petrosyanın rəhbərliyi altında prezident seçkilərinin nəticələrinə etiraz əlaməti olaraq, bir neçə gün davamlı aksiyalar keçirib. 1-2 mart aksiyaları isə hüquq mühafizə orqanlarının əməkdaşları ilə aksiya iştirakçıları arasında toqquşmalara çevrilib. Nəticədə 10 nəfər aksiya iştirakçısı öldürülüb.

Aparılan istintaq çərçivəsində həmin dövrdə səlahiyyət müddətini başa vuran Ermənistanın ikinci prezidenti Robert Köçəryana qarşı ittihamlar irəli sürülüb, həmçinin qeyd edilən hadisə üzrə Ermənistanın sabiq Müdafiə naziri Mikail Harutyunyan, Baş Qərargah rəisi Yuri Xaçaturov və sabiq Müdafiə naziri Seyran Ohanyana qarşı da ittiham irəli sürülüb. Yeri gəlmişkən Movses Hakopyan 2008-ci ildə işğal altında olan Qarabağdakı qanunsuz hərbi birləşmənin komandiri vəzifəsini tuturdu.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Hakopyan   Qarabağ   1-Mart