"KJM" sözünə uyğun 11 nəticə tapıldı!

Ermənistan 100 milyon dollarlıq kreditlə hansı silahları ala bilər ? – Hərbi ekspert (ÖZƏL)

2017/12/67876_1513854990.jpg
Oxunub: 3001     19:12     21 Dekabr 2017    
Vyaçeslav Tixonov
Hərbi icmalçı, Moskva ş.,
Xüsusi olaraq Ordu.az üçün

Oktyabrın 12-də Ermənistan rəhbərliyi silah alınması üçün Rusiyanın 100 milyon dollarlıq kredit ayırması barədə razılaşmanı təsdiq edib. Vəsait 2018-2022-ci illər ərzində istifadə olunmalıdır, borcun ödənilmə müddəti isə ildə 3 faiz olmaqla 15 il təşkil edir. Məlum olduğu kimi, bu xəbər tezliklə fantaziya və uydurmalarla müşayiət olunmağa başladı. Bu situasiyanı şərh edək.

Qeyd etmək vacibdir ki, 2016-cı ildə artıq bu məqsədlər üçün 200 milyon dollar Rusiya krediti ayrılmışdı, lakin ölkə həmin vaxt cəmi 40,7 milyon dollarlıq silah aldı. Başqa sözlə desək, Ermənistan ayırılan kreditin cəmi 20 faizini xərclədi.

2 il əvvəl kredit müraciətinin hazırlanması zamanı Ermənistan kreditin alınmasında məqsədləri, belə müəyyənləşdirmişdi: döyüş sursatları ilə birgə 9K58 “Smerç” yaylım atəşli reaktiv sistemləri, “İqla-S” daşınan zenit raket kompleksləri, “Avtobaza-M” passiv radiotexniki kəşfiyyat kompleksi, TOS-1A “Solntsepyok” ağır reaktiv odsaçan sistemləri, “Tiqr” zirehli maşınları, “Konkurs-M” tank əleyhinə raket kompleksləri, RPQ-26 tank əleyhinə qumbaraatanlar, atıcı silahlar, mühərriklər, T-72 tankları və BMP-lər üçün nişangahlar, rabitə vasitələri, mühəndis texnikası və “KamAZ” şirkətinin yük maşınları.


Lakin bu yalnız planlar idi. Təkrar edəcəm, real olaraq Ermənistan həmin vaxt tələb etdiyi silahların 80 faizə yaxınını almadı. Buradan təxmin etmək çətin deyil ki, İrəvan məhz nə əldə edəcək – tamamlanmamış təchizat planını tamamlamaq lazımdır. Bununla belə qeyd edəcəm ki, 2016-cı ildə Ermənistanın müstəqilliyinin 25 illiyi şərəfinə keçirilən paradda nümayiş etdirilən silahların böyük əksəriyyəti kredit vasitələri hesabına alınmayıb. Həmin paradda “İskəndər-E” operativ-taktiki raket kompleksləri, “Smerç” ağır reaktiv yaylım atəşi sistemləri, “Buk” zenit raket kompleksləri”, “İnfuna” və R-325U radioelektron mübarizə sistemləri.

“İskəndər-E” operativ-taktiki raket komplekslərinə gəlincə, onlar Ermənistan tərəfindən xarici kreditlər hesabına alınmayıb. “Buk”a gəldikdə isə, onlar böyük ehtimalla Rusiya ilə birgə hava hücumundan müdafiə sistemi çərçivəsində KTMT xətti ilə alınıb. Taktiki olaraq tamamlanmayan kredit təchizatından “Smerç” YARS-ları, həm də məncə, “İqla-S” və “Verba” ZRK-ları nümayiş etdirilib.

Qeyd etmək istəyirəm ki, müasir silahlar bazarında 100 milyon dollar elə də əhəmiyyətli məbləğ deyil ki, bu nəhəngdə görsənsin. Belə pullarla silah Allahlığına nail olmaq mümkün deyil. Bu pullar aviasiya alınmasına da, ciddi hava hücumundan müdafiə sistemlərinə də yetməz. Əgər buradan ehtiyat hissələrinin alınması zərurətini, bütün mümkün xərcləri, əlavə komplekt və döyüş sursatlarını çıxsaq, məbləğ ciddi müharibə üçün daha az əhəmiyyətli olur. Yalnız quru qoşunlarının təkmilləşdirilməsi qalır.


Bununla belə, aydındır ki, Ermənistan ordusu Azərbaycan Ordusundan aviasiyada geri qalır. Deməli, balansın bərabərləşdirilməsi üçün hava hücumundan müdafiə sistemləri alacaq. Ermənistan ordusu həm də dağlıq ərazilərdə əməliyyatların aparılmasında xüsusi əhəmiyyət və yüksək effektivliyə malik artilleriya sistemlərində də xeyli geri qalır. Demək ki, onlar ən müasir özüyeriyən “Msta-SM” və yaylım atəşi sistemləri alacaq. Geridə qalan ildə Yaxın Şərqdə öz yüksək atəş və psixoloji effektivliyini göstərən TOS-1A “Solntsepyok” reaktiv odsaçan sistemlərinin alınmasını da istisna etmirəm. Əminəm ki, bu siyahıda radioelektron müdafiə sistemləri də özünəməxsus yer tutacaq. Düşünürəm ki, bununla da kredit bitəcək. Bu, ordunun modernləşdirilməsi və inkişaf tələbatları üçün ayrılan adi kreditdir. Səs-küy doğuracaq heç nə yoxdur.

Gələcəkdə Ermənistan ordusu üçün prespektivdə alınacaq silah və texnikalar barədə fikir bildirmək çətindir. Aviasiyanı inkişaf etdirmək və modernləşdirmək lazımdır, bu, aydın məsələdir. Digər aydın və mühüm məsələ uzaq mənzilli hava hücumundan müdafiə sistemləridir. Lakin bu, sonra olacaq.

Tərcümə etdi: Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: Erməni-ordusu   Kredit   100-milyon