"Ermənistan-ordusu" sözünə uyğun 2038 nəticə tapıldı!

Fərrari erməni hərbi qulluqçunun qardaşı: “Qırmızı Xaçdan deyiblər ki, qardaşımın...”

2019/08/14014-1565950752.jpg
Oxunub: 1059     13:01     07 Sentyabr 2019    
Avqustun 19-u ilk səfərdən sonra Beynəlxalq Qırmızı Xaç Komitəsinin (BQXK) nümayəndələri Azırbaycan tərəfə keçmiş fərari erməni hərbi qullquçu Arayik Qazaryana ikinci dəfə baş çəkməyiblər.

Ordu.az erməni KİV-lərinə istinadən xəbər verir ki, bu barədə BQXK-nin Ermənistan ofisinin kommunikasiya proqramlarının rəhbəri Zara Amatuni bildirib.

BQXK-dan bu barədə başqa məlumat verilməyib.

Fərrari erməni hərbi qulluqçunun qardaşı Armen Qazaryan bildirib ki, Qırmızı Xaçdan bunun üçün hər şey edildiyini deyiblər. Onun sözlərinə görə, digər detallar ailə üzvlərinə məlum deyil.

Xatırladaq ki, avqustun 12-si səhər saatlarında cəbhənin Füzuli rayonu istiqamətində düşmən tərəfindən fərarilik etmiş hərbi qulluqçu Kazaryan Aro Xaykoviç bölmələrimizin sayıqlığı nəticəsində saxlanılıb.

İlkin dindirilmə nəticəsində müəyyən olunub ki, düşmən hərbiçisinin fərarilik etməsinə səbəb xidmət etdiyi hərbi hissədə baş verən özbaşınalıq, hərbi qulluqçulara qarşı edilən dözülməz və qeyri-insani münasibətdir.

"Erməni hərbi qulluqçu A.X.Kazaryanın uzun müddət ərzində dəfələrlə komandirləri və digər hərbi qulluqçular tərəfindən fiziki və mənəvi təzyiqlərə məruz qalması onun baş nahiyəsindəki hematomaları və bədənindəki yaralardan da aydın görünür", - deyə Azərbaycan Müdafiə Nazirliyinin yaydığı bəyanatda bildirilirdi.

Təbii ki, dəfələrlə təxribat və fərarilik hadisələrini hərbi qulluqçularının psixoloji çatışmazlığı kimi təqdim edən düşmən, bu dəfə bu versiyanı səsləndirməkdən çəkindi. Lakin hərbi qulluqçunun qardaşının dilindən guya onun ordudan heç bir narazılığının olmadığını, hətta məzuniyyəti əsnasında müqaviləli xidmət keçmək istədiyini ifadə etdilər.

Lakin qısa müddət sonra Ermənistanın yaydığı informasiyaların əsassız olduğu təsdiq edildi. Erməni əsgər saxlanma şəraitindən razılıq etməklə yanaşı, ona qarşı insan hüquqlarının pozulmasına yol verilmədiyini bildirdi.

Ardınca, erməni KİV-lərində hadisənin detalları üzə çıxmağa başladı. "Hraparak" nərşi yazırdı ki, Arayik Kazaryanla eyni hərbi hissədə qulluq edən 8 zabit hərbi polisdə istintaqa cəlb olunub və araşdırma aparılır. Sıravi əsgərə qarşı qeyri-qanuni münasibət faktları yoxlanılır.

Nəticədə fərari erməni hərbi qulluqçunun qardaşı Armen Kazaryan, "Haykakan Jamanak"a açıqlamasında, ona hərbi hissəyə getməyə icazə verilmədiyindən şikayətləndi və öncəki açıqlamasını təkzib edərək qardaşının hərbi hissədə problemi olduğunu etiraf etdi:

"Mən yalnız Xankəndindəki hərbi polisə getmişəm, oradan məni geri göndərdilər, məni ora getməyə qoymadılar. Müdafiə Nazirliyi məlumatları gizli saxlayır. Qardaşımın azaraq, yoxsa başqa şəraitdə Azərbaycan tərəfinə keçməsini bilmirik. Qardaşımın hərbi hissədə təzyiqlərə məruz qalması barədə mətbuatda yayılan məlumatlar məni bir az düşünməyə vadar edir. Problemləri olduğunu bilirdim. Lakin elə alınıb ki, problemləri ilə bağlı gedib adamlarla görüşüblər, hər şey həll edilib, normal olub. Qardaşımın əsgərlə yox, zabitlərlə problemi olub. Buna görə də Müdafiə Nazirliyi arışdırmanın nəticələrini gizli saxlamağa çalışır. Müdafiə Nazirliyindən bizə hələlik heç bir açıqlama verilməyib. BQXK-nin əməkdaşları qardaşıma təkrar baş çəkəcəklər".

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Zorakılıq   Fərarilik