" Ermənistan " sözünə uyğun nəticə tapıldı!

"Ermənistan" - (8883 )

HVAV ofisi: “Gümrülü qadının qətlində təqsirkar bilinən rus hərbi qulluqçu məhkəməyə təqdim edilmir”

2020/03/image-1585639130.jpg
Oxunub: 436     10:06     01 Aprel 2020    
Helsinki Vətəndaş Assambleyasının Vanadzor ofisi Ermənistanın Gümrü şəhərində Culietta Qukasyanın qətli ilə bağlı bəyanat yayıb.

Ordu.az xəbər verir ki, bəyanatda bildirilir:

“2020-ci il martın 20-də Helsinki Vətəndaş Assambleyasının Vanadzor ofisi Ermənistan Baş prokuroru Artur Davtyandan Ermənistan Cinayət Məcəlləsinin 181-ci maddəsi əsasında qərar qəbul edilməsini tələb edərək İrəvan Şəhər Ümumi Yurisdiksiya Məhkəməsinə ərizə təqdim edib.

Gümrülü C.Qukasyanın qətlində təqsirkar bilinən rus hərbi qulluqçu A.Razqildeyev işi üzrə məhkəmə iclasları keçirilmir, rus hərbi bazasının komandanlığı müttəhim və onu müşayiət edən şəxslər üçün yazılı təhlükəsizlik təminatları tələb edərək onu məhkəməyə təqdim etmir”.

Xatırladaq ki, 2018-ci il dekabrın 3-də, Gümrüdə 57 yaşlı Culietta Qukasyanın qətl faktı üzrə cinayət işi açılıb. Qadın aldığı bədən xəsarətləri nəticəsində ölüb. Bu iş üzrə 102-ci rus hərbi bazasının hərbi qulluqçusu nəzarət altına alınmışdı.

Alpər Mövludoğlu
Ordu.az



© Materiallardan istifadə edərkən hiperlinklə istinad olunmalıdır


Teqlər: Ermənistan   Gümrü