" Cəbhə " sözünə uyğun nəticə tapıldı!

"Cəbhə" - (846 )

Ermənistan ordusunda 2019-cu il ərzində 2013-2018-ci illər ərzində dəyən ümumi ziyanın həcmi qədər ziyan vurulub

2017/10/JFY0Ok_1505484542_1509017209.jpg
Oxunub: 828     14:57     10 Mart 2020    
Ermənistan hərbi prokurorluğu öz funksiyası çərçivəsində silahlı qüvvələrdə və digər qoşun növlərinin hərbi hissələrində 2019-cu ildə korrupsiyaya qarşı aparılmış mübarizə ilə bağlı yekun hesabat yayımlayıb.

Ordu.az erməni KİV-lrəinə istinadən xəbər verir ki, 2019-cu il ərzində Ermənistan ordusunda korrupsiya xarakterli törədilən cinayətlərin sayı 154 fakt təşkil edib.

Bu faktlardan Ermənistan hərbi prokurorluğunun hakimlərinin məhkəmə rəhbərliyi altında və prokurorluq nəzarəti altında hazırlanan materiallardan 145 fakt üzrə cinayət işi açılıb. Açılan cinayət işlərindən 63 fakt rəis, komandir və ya vəzifəli şəxs tərəfindən səlahiyyətindən sui-istifadə etmə və ya səlahiyyəti çərçivəsində fəaliyyətsizliyi, 29 fakt rəsmi saxtakarlıq, 27 fakt ələ keçirmə və ya mənimsəmə yolu ilə müxtəlif həcmdə mənimsəmə, 11 fakt rüşvət alma və ya rüşvət vermə, 8 fakt rəsmi səlahiyyətlərindən sui-istifadə etmə, 3 fakt rəsmi mövqeyindən istifadə edərək yol verilən dələduzluq, 3 fakt vəzifə səlahiyyətlərini aşma, 1 fakt rəsmi səlahiyyət mövqeyindən istifadə edərək, silah, hərbi sursat, partlayıcı maddə və ya partlayıcı qurğular ələ keçirmə əlamətləri ilə cinayət işi açılıb.

Ümumiyyətlə 2019-cu il ərzində Ermənistan istintaq komitəsinin hərbi istintaq baş idarəsinin istintaq orqanlarında korrupsiya xarakterli 296 cinayət işi araşdırılıb. İttiham rəyi ilə məhkəməyə 102 nəfərlə bağlı 64 cinayət işi göndərilib. Məhkəməyə göndərilən cinayət işlərinin sayı ötən il üzrə müqayisədə 50% çoxdur.

Həmçinin məlum olub ki, 2019-cu il ərzində istintaq orqanlarının icraatında araşdırılan yekunlaşdırılıb, həmçinin il ərzində istintaqı aparılan korrupsiya xarakterli cinayətkarlıqlarla bağlı cinayət işləri və toplanmış materiallar əsasında Ermənistana 786 milyon dramın ziyan dəydiyi müəyyən olunub. Dəyən ziyanın 410 milyon dram hissəsi bərpa edilib, digər bir hissəsi üzrə cinayət işlərinin araşdırılması isə davam edir.

Ermənistan ordusunda 2019-cu il ərzində 400 araşdırma keçirilib. Bunun nəticəsində 230 qanun pozuntusu qeydə alınıb. Yol verilən nöqsanlar əsasən arxa cəbhə, silahlanma, hərbi tibb xidməti, əsaslı tikinti və qoşunların yerləşdirilməsi sahəsində baş verib.

Qeyd etmək lazımdır ki, 2018-ci il üzrə müqayisədə 2019-cu ildə daha çox keçirilən araşdırmalar nəticəsində 27,3% daha az qanun pozuntusu aşkarlanıb. Bu qanun pozuntuları nəticəsində dövlətə dəymiş zərərin könüllü bərpası ilə bağlı 2019-cu ildə 175 xəbərdarlıq edilib. Bu 2018-ci il üzrə müqayisədə 70,3 % çoxdur.

Aparılan araşdırmalar görə, ən çox cinayətləri ehtiva edən məlumatların əldə edilməsi yolu ilə 41 cinayət işi başlanıb.

Ümumiyyətlə araşdırmalar çərçivəsində Ermənistana təqribən 12 mlrd dram həcmində ziyan dəydiyi qeydə alınıb. Bu rəqənm 2018-ci ildə qeydə alınan nəticəni 6 dəfə, və 2013-2018-ci illər ərzində qeydə alınmış ziyanın ümumi həcminə bərabərdir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Ordu