"ADR" sözünə uyğun 642 nəticə tapıldı!

NI: Şərqi Asiyada “strateji kvadrat”

2019/02/f35hr-1549026264.jpg
Oxunub: 676     17:13     01 Fevral 2019    
Bu ay Sinqapur dəyərləndirmə məqsədilə bir neçə F-35 qırıcısı satın alacağını açıqlayıb. Bu Sinqapur hərbi dairələrində təəccübə səbəb olmasa da, Çinin gücləndiyi və Malayziya ilə gərginliyin artdığı bir dövrdə verilən qərar marağa səbəb olub.

Ordu.az xəbər verir ki, bu barədə “National Interest” ekspertlərindən Çarli Qao məlumat verib.

Onun sözlərinə görə, F-35-lərin Sinqapur üçün əhəmiyyətini başa düşmək üçün əvvəla onun F-16-ları əvəzləyəcəyini nəzərə almaq lazımdır. Sinqapur hazırda 60 ədəd F-16 “Blok 52”dən istifadə edir. Bu qırıcılar təkmilləşdirmə proqramından keçib və AESA radarları kimi qabaqcıl xüsusiyyətlərə malikdir. Bununla belə, Sinqapur Müdafiə Nazirliyi F-16-ların 2030-cü ildən etibarən yararsız olacağını düşünür.

F-16-lar hava-hava döyüşündən çox, hücum qırıcısı olaraq istifadə edilirdi, onları əvəz edəcək F-35-lərin də eyni məqsədlə istifadə edilməsi planlaşdırılır. Bir neçə qırıcı Çin kimi bir ölkəyə effektiv hücum təşkil edə bilməz, lakin Malayziya üçün kifayət edər.

Sinqapurun bu qırıcıları satın alması onu Çinin Cənubi Koreya, Yaponiya və Avstraliyanı daxil etdiyi “ABŞ-ın F-35 dairəsi”nə salır və bəzi ekspertlər bu ölkələrin “strateji kvadrat” yarada biləcəyini düşünürlər.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Sinqapur   F-35