"İsrail" sözünə uyğun 1461 nəticə tapıldı!

Ermənistan parlamentində hərbi qulluqçuları intihar həddinə çatdırma üzrə cəzanın sərtləşdirilməsi təklif olunub

2019/11/mails-1575102894.jpg
Oxunub: 360     11:59     30 Noyabr 2019    
Ermənistan parlamentinin “Çiçəklənən Ermənistan” partiyasını təmsil edən deputatları Cinayət Məcəlləsində dəyişikliklər aparılması və hərbi qulluqçuları intihar həddinə çatdırma üzrə cinayət məsuliyyətini sərtləşdirməyi təklif ediblər.

“Ermənistan Cinayət Məcəlləsində əlavə və dəyişikliklər aparılması” haqqında qanun layihəsini parlamentin dövlət hüquq məsələləri daimi komissiyasında qanun layihəsinin həmtəsisçisi Naira Zöhrabyan təqdim edib.

“Problemi ciddi şəkildə həll edilməsinə zərurət var. Bu məsələ ilə bağlı uzun müddət Ombudsmanla da işləmişik. Qeyri-nizamnamə və ədalətsiz münasibətlər bəzən bir hərbi qulluqçunun intihar etməsinə səbəb olur. Beynəlxalq təcrübəni də öyrənmişik. İsraildə psixoloqların təmsil olunduğu xüsusi komissiyalar var. Onlar bu pis altmədəniyyəti aradan qaldırma istiqamətində fəaliyyət göstərirlər. Çağırışçılarla işləyən yüksək ixtisaslaşmış komissiyalar intihar hallarını əhəmiyyətli dərəcədə azaldır”, - deyə o bildirib.

Deputatlar əvvəlcə layihə ilə nəzərdə tutulan cəzaların həcmini təqdim ediblər. Lakin hökumət təklif edərək qanun layihəsini bir neçə bölümə ayırmağı məsləhət görüb.

Ermənistan MN-in hərbi hissəsində və ya hərbi xidmət keçirilən digər ərazilərdə hərbi qulluqçunu təhdid etmə, qəddar münasibət və ya şəxsi şərəf və ləyaqətinin alçaldılması vasitəsilə diqqətsizlikdən intihara, yaxud intihar cəhdinə çatdırma və s. kimi hallarda 4-8 il müddətinə azadlıqdan məhrum etmə təklif olunur. Eyni əməl bir qrup şəxs tərəfindən rəis (komandir) tərəfindən tabeliyindəkinə qarşı törədildikdə döyüş növbətçiliyi və yaxud döyüş xidməti həyata keçirən zaman baş verdikdə 6-9 il müddətinə azadlıqdan məhrum edilir. Bu maddənin birinci və ikinci hissələri üzrə nəzərdə tutulmuş əməllər, hərbi vəziyyət, müharibə dövrü və ya döyüş şəraitində törədilərsə, 7-10 il müddətinə azadlıqdan məhrum etmə ilə cəzalandırılır. Hərbi qulluqçunu bilavasitə şüurlu şəkildə intihar həddinə çatdırma isə 6-12 il müddətinə azadlıqdan məhrum etmə ilə cəzalandırılır. Eyni əməl bir qrup şəxs tərəfindən törədildikdə 7-13 il müddətinə azadlıqdan məhrum edilir. Eyni əməl üzrə cinayətə hərbi vəziyyət, müharibə dövrü və ya döyüş şəraitində yol verildiyi halda 8-14 il müddətinə azadlıqdan məhrum edilməsi nəzərədə tutulur.

Zöhrabyanın sözlərinə görə, hökumətin təklifləri onlar üçün qəbulolunandır və qanun layihəsinin həmin variant üzrə səsverməyə çıxarılmasını təklif edirlər.

Hazırda Ermənistanda qüvvədə olan qanun layihəsinə əsasən həmin cinayətlərə yol verən şəxsi ən çox 3 il müddətinə azadlıqdan məhrum etmə cəzası gözləyir. Zöhrabyan hərbi qulluqçunun şərəf və ləyaqətinin alçaldılması, intihara məcbur edilməsinə görə qüvvədə olan qanunla nəzərdə tutulan 3 il müddətinə azadlıqdan məhrum edilməsinin olduqca az olduğunu bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   İntihar