Ordu.az xəbər verir ki, bu barədə Ermənistanın “Past” nəşri yazıb.

“Past” qəzetinin məlumatına görə, iyunun 7-də parlamentə növbəti seçkilər keçirilib və yaxın günlərdə seçki prosesi ilə bağlı müxtəlif hüquqi prosedurlar davam edəcək.

“Beləliklə, seçki məntəqəsində səsvermənin nəticələrinin yenidən hesablanması ilə bağlı müraciət müvafiq dairə seçki komissiyasına ya dünən saat 18:00-dək, ya da bu gün saat 09:00-dan 11:00-dək təqdim edilə bilərdi. “Çiçəklənən Ermənistan” Partiyasının artıq bir sıra biabırçı faktlara malik olduğu və yenidən hesablanma tələb etdiyi bildirilir. Səslərin daxil edilməsi və ümumilikdə seçkilərin ədalətliliyi ilə bağlı çox ciddi şübhələri nəzərə alsaq, çoxsaylı müraciətlərin olması ehtimalı yüksəkdir”, - deyə nəşr qeyd edib.

Qəzet vurğulayır ki, eyni qayda seçki məntəqələrində səsvermənin nəticələrinin etibarsız hesab olunması ilə bağlı müraciətlərə də aiddir.

“Seçkilərin nəticələrinin etibarsız sayılması barədə müraciət Mərkəzi Seçki Komissiyasına seçkilərin nəticələrinin yekunlaşdırılması üçün müəyyən edilmiş müddətdən, yəni iyunun 14-dən ən azı iki gün əvvəl, yəni iyunun 12-si saat 18:00-dək təqdim edilə bilər”, - deyə məqalədə bildirilir.

Nəşrin məlumatına görə, dairə seçki komissiyalarında səslərin yenidən hesablanması prosesi bu gün saat 14:00-da başlayıb və iyunun 12-si saat 14:00-dək davam edəcək.

“Seçkilərin nəticələrinə dair protokol tərtib olunur, nəticələr ümumiləşdirilir və seçkilərin yekunları ilə bağlı qərar iyunun 14-də qəbul edilir. İyunun 29-da Mərkəzi Seçki Komissiyası parlamentə seçilmə və ya seçkilərin ikinci turunun keçirilməsi barədə qərar qəbul etməlidir. Yeni seçilmiş parlamentin ilk iclasına gəldikdə isə, qanunvericiliyə əsasən, bu iclas avqustun 2-də keçirilməlidir”, - deyə nəşr vurğulayıb.

Alpər Mövludoğlu
Ordu.az