Ordu.az xəbər verir ki, bunu Rusiyanın “Ribar” “Telegram” kanalı ABŞ dövlət katibi Entoni Blinken və Ermənistan Baş naziri Nikol Paşinyan arasında aparılan danışıqları şərh edərək yazıb.

“Qeyd edək ki, enerji məsələsi son vaxtlar ABŞ-Ermənistan gündəminə düşüb. ABŞ Ermənistanı Sovet “Metsamor” Atom Elektrik Stansiyasının (AES) əvəzinə ABŞ texnologiyaları ilə yeni AES tikməyə məcbur edir. Demək olar ki, bütün ölkəyə enerji verən nüvə enerjisinə indi Rusiyanın “Rosatom” şirkəti xidmət göstərir. Blinkenin Ermənistanın “demokratik inkişafı”na dəstək vermək ilə bağlı bəyanatlarından yayınmaq mümkün olmayıb. Blinkenin Paşinyanla danışıqları günlərində amerikalılar USAID-in maliyyəsini 120 milyon dollardan 250 milyon dollara qədər artırıblar. Fondun elan edilmiş məqsədi Ermənistanın iqtisadi sabitliyinə töhfə verməkdir. Son vaxtlar Ermənistan iqtisadiyyatı ilə bağlı hər şey çox yaxşıdır, lakin bu, sırf Avrasiya İqtisadi Birliyi daxilində ticarətlə bağlıdır. Ermənistanın iqtisadiyyatı Rusiya ilə sıx bağlıdır, lakin amerikalılar artıq açıq şəkildə bəyan edirlər ki, onların əsas vəzifəsi İrəvanla Moskva arasında əlaqəni qırmaqdır. Deməli, ABŞ pulları Ermənistan üçün Paşinyanın komandasına növbəti rüşvətdir. Üstəlik, ABŞ prezident seçkiləri ərəfəsində Vaşinqtonun regionda niyyətlərinin ciddiliyini bir daha nümayiş etdirməsi vacibdir”, - deyə kanal bildirib.

Alpər Mövludoğlu
Ordu.az