Ordu.az xəbər verir ki, bu barədə Ermənistanın “Joğovurd” nəşri yazıb.

Nəşr qeyd edib ki, Baqrat Srbazan Paşinyanın fraksiyasına Ermənistan parlamentində görüşmək üçün “təklif” verib, lakin parlamentin sədr müavini Hakop Arşakyan istehzalı cavab verib: “Danışacaqları nəsə varsa, zəng etsinlər, qeydiyyatdan keçsinlər”.

Müəllif bildirib ki, Baqrat Srbazan və müxalifətçilər arasında görüş iki saata yaxın davam edib.

“Görüş “Hayastan” fraksiyasının rəhbəri Seyran Ohanyanın ofisində baş tutub. Bundan əvvəl Baqrat Srbazan və parlament müxalifəti dəfələrlə görüşüblər, lakin parlamentdə ilk dəfə idi ki, belə bir görüş keçirilirdi. Məlumata görə, görüşün təşəbbüskarı Baqrat Srbazandır. Görüşün gündəmində olan məsələlər sentyabrın 22-də baş tutacaq toplanış və Nikol Paşinyanı ictimai təzyiqlə hakimiyyətdən uzaqlaşdırmaq məsələsi olub. Baqrat Srbazan həmin toplantıdan gözləntisi ilə bağlı baxışını təqdim edib və müxalifət partiyaları həm parlamentdə, həm də küçə mübarizəsində hərəkata dəstək verməyə hazır olduqlarını bir daha təsdiq ediblər. Baqrat Srbazan bu müddət ərzində müxtəlif sahələrin nümayəndələri ilə görüşün nəticələrini də təqdim edib, görülən işlərdən əvvəl hərəkatın gələcək fəaliyyəti də müzakirə olunub. Baqrat Srbazan və müxalifət partiyaları bir daha təsdiq ediblər ki, hərəkatın və mübarizənin açarı ictimaiyyət arasında geniş konsolidasiyanı təmin etməkdir”, - deyə nəşr əlavə edib.

Alpər Mövludoğlu
Ordu.az