Bu barədə
Ordu.az-a Müdafiə Nazirliyindən məlumat verilib.
Dəfn mərasimində Müdafiə Nazirliyinin əməkdaşları, mərhumənin yaxınları, ailə üzvləri və ictimaiyyət nümayəndələri iştirak ediblər.
Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi polkovnik Elşad Əbilov çıxış edərək Nazirliyin rəhbərliyi adından başsağlığı verib.
Mərasim iştirakçılarına "İstiqlal" ordenli və Prezident təqaüdçüsü olan mərhumə F. Səttarovanın Vətənə, xalqa və millətinə bağlılığından, İkinci Dünya müharibəsinin ilk aylarında tibb bacısı kimi könüllü surətdə cəbhəyə yollanmasından danışılıb. Həmçinin F.Səttarovanın faşizmə qarşı aparılan mübarizədə Sovet ordusunun sıralarında Berlinə qədər getdiyi də xüsusi vurğulanıb.
***
Azərbaycanın görkəmli ictimai xadimi, Müharibə, Əmək və Silahlı Qüvvələr Veteranları Təşkilatının sədri, İkinci Dünya Müharibəsi veteranı Fatma Səttarova dəfn olunub.
Ordu.az-ın məlumatına görə, mərhumə II Fəxri xiyabanda torpağa tapşırılıb.
Dəfn mərasimdə mərhumənin yaxınları, ailə üzvləri, ictimaiyyət nümayəndələri iştirak ediblər.
***
Azərbaycanın görkəmli ictimai xadimi, Müharibə, Əmək və Silahlı Qüvvələr Veteranları Təşkilatının sədri, İkinci Dünya Müharibəsi veteranı Fatma Hüseyn qızı Səttarova vəfat edib.
Ordu.az xəbər verir ki, o, 102 yaşında dünyasını dəyişib.
Azərbaycan Respublikasının ictimai həyatında uzunmüddətli səmərəli fəaliyyətinə görə Fatma Səttarova Prezident İlham Əliyevin sərəncamı ilə “İstiqlal” ordeni ilə təltif edilmişdi.
Ona həmçinin Azərbaycan Respublikası Prezidentinin fərdi təqaüdü də təyin edilmişdi.
Ordu.az
