Ordu.az xəbər verir ki, Yunanıstan Aviasiya və Kosmos Sənayesi (EAV) Yunanıstan HHQ-yə modernləşdirilmiş 2 ədəd F-16 “Viper” döyüş təyyarəsi təhvil verib.
Məlumata görə, ayın sonuna qədər daha bir döyüş təyyarəsinin təhvil verilməsi gözlənilir.
Son aylarda EAV proqram üçün cədvələ qayıtmaq məqsədilə tədarükləri sürətləndirib.
Bu kontekstdə EAV rəsmiləri daha bir “Viper” tədarük etməklə, 2024-cü il hədəflərini keçə biləcəklərini və bu il təhvil verilən döyüş təyyarələrinin ümumi sayını 16-ya çatdıra biləcəklərini təxmin edirlər.
EAV artıq 18 döyüş təyyarəsi illik istehsal gücünə çatmaq və proqramın 2027-ci ilə qədər təxirə salınmadan tamamlanmasını təmin etmək üçün əlavə ixtisaslaşdırılmış kadrlar cəlb etməyə başlayıb.
Sevinc Əliyeva
Ordu.az
