Ordu.az xəbər verir ki, bunu erməni tarix elmləri namizədi, analitik, “APRI Armenia”ın elmi işçisi Sergey Melkonyan deyib.

Onun sözlərinə görə, bu yolun Ermənistan üçün strateji əhəmiyyət daşıdığı nəzərə alınsa, o zaman Ermənistanın hansı problemlərlə üzləşəcəyi bəlli olar.

Melkonyan qeyd edib ki, Zəngəzur vilayətindən keçən yola nəzarətin başqa dövlətin özəl şirkətinə verilməsi gündəliyi masaya ilk dəfə Azərbaycan tərəfindən qoyulub və aylar sonra Ermənistan tərəfi bununla razılaşır.

“Niyə belə bir həll təklif edildi? Cavab çox sadədir: bu, əvvəldən Azərbaycanın təklifi idi. Azərbaycan bu məsələdə Qərbi razı sala və bu gündəmi Rusiyaya da sata bilib”, - deyə erməni analitik vurğulayıb.

O əlavə edib ki, Azərbaycan Laçın yolu məsələsində necə davranıbsa, Zəngəzur dəhlizi məsələsində də eyni şəkildə davranacaq.

Alpər Mövludoğlu
Ordu.az