Ordu.az xəbər verir ki, İsveç Hərbi Hava Qüvvələri (HHQ) “Saab Gripen” döyüş təyyarəsindən peyklərin buraxılması imkanlarını araşdırmağa başlayıb.

İsveç Müdafiə Tədqiqatları Agentliyi ilə əməkdaşlıq çərçivəsində həyata keçirilən “Stella” Proqramı ölkənin yeni yayımlanan Silahlı Qüvvələr Kosmos Strategiyasının da təsiri ilə buraxılış qabiliyyətinə duyulan potensial ehtiyacdan irəli gəlir.

İsveç belə bir qabiliyyəti nəzərdən keçirən ilk Avropa ölkəsi olmayacaq. Bu kontekstdə, 2019-cu ilin sentyabr ayında İtaliya HHQ İtaliya döyüş təyyarələrindən, xüsusilə “Eurofighter Typhoon”dan kiçik peyklərin buraxılmasını nəzərdən keçirmək üçün sənaye və akademik dairələrlə çərçivə sazişi imzalayıb.

İsveçin araşdırması nə qədər macəralı səslənsə də, bunun gələcəkdə əməliyyat qabiliyyətinə gətirib çıxaracağına heç bir zəmanət yoxdur.

Sevinc Əliyeva
Ordu.az