Rəsmi Moskvanı Ruben Vardanyanın taleyi maraqlandırmır

2023/10/1696438476.jpg
Oxunub: 335     15:18     19 İyun 2024    
Rəsmi Moskvanı Qarabağdakı keçmiş qondarma qurumun “dövlət naziri” Ruben Vardanyanın taleyi maraqlandırmır.

Ordu.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın bu gün keçirdiyi brifinqdə erməni jurnalistin güya Vardanyanın Azərbaycan həbsxanasında “fiziki işgəncələrə” məruz qalması ilə bağlı və ümumiyyətlə, Vardanyan mövzunun Bakı ilə Moskva arasında təmaslarda qaldırılıb-qaldırılmaması ilə bağlı sualına cavabından aydın olur.

“Sizin suala sualla cavab vermək istərdim. Bəlkə siz bilirsiz, mən görməmişəm, Ruben Vardanyanın Azərbaycan həbsxanasında olması məsələsi Bakı-İrəvan təmaslarında qaldırılırmı? Əgər siz mənə bu informasiyanı təqdim etsəz, mənə elə gəlir ki, bu haqda bilmək maraqlı və faydalı olar. Bir daha xatırladıram ki, Ruben Vardanyan Rusiya vətəndaşlığından çıxıb. O, bunu açıq edib, bu, heç kəsə sirr, gizli məlumat deyil. Ona görə də, bu cür sualı Bakı və İrəvana ünvanlamaq lazımdır”, - deyə Rusiya XİN sözüçsü vurğulayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ruben-Vardanyan   Rusiya   XİN  


Bizi "telegram"da izləyin