Müdafiə Nazirliyinin bir qrup nümayəndə heyəti Qazaxıstanda səfərdə olub - FOTOLAR

2024/05/bca24-1716627825.jpg
Oxunub: 213     12:29     25 May 2024    
Azərbaycan Respublikası ilə Qazaxıstan Respublikası arasında ikitərəfli hərbi əməkdaşlıq proqramına uyğun olaraq, Müdafiə Nazirliyinin Hərbi Polis İdarəsinin bir qrup hərbi qulluqçusu bu ölkədə səfərdə olub.

Bu barədə Ordu.az-a Müdafiə Nazirliyindən məlumat verilib.

Azərbaycan nümayəndə heyəti Hərbi Polis Mütəxəssislərinin Hazırlıq Mərkəzində hərbi polisinin gündəlik fəaliyyəti, kinoloji xidmətin təşkili, maddi-texniki təchizat və təlim proqramı, eləcə də silahlanmada olan hərbi texnika ilə tanış olub, bölmələrin nümayiş məşğələsini izləyib.

Azərbaycan və Qazaxıstan respublikalarının hərbi polis nümayəndələrinin iştirakı ilə keçirilən görüşdə qarşılıqlı maraq doğuran bir sıra məsələlər barədə ətraflı fikir mübadiləsi aparılıb.

Müdafiə Nazirliyinin nümayəndə heyəti səfər çərçivəsində, həmçinin Qazaxıstan Respublikasının Dövlət Hərb Tarixi Muzeyi və Milli Muzeyində, eləcə də digər görməli yerlərində olub, tarixi abidələri ziyarət ediblər.

Ordu.az

© Materiallardan istifadə edərkən hiperlinklə istinad olunmalıdır

Foto


Teqlər: Azərbaycan   Qazaxıstan  


Bizi "telegram"da izləyin