Blinken ABŞ-nin Ermənistana dəstək tədbirlərini müzakirə etdiyini açıqlayıb

2023/06/6479b-1685700376.jpg
Oxunub: 266     09:58     23 May 2024    
Hazırda rəsmi Vaşinqton Ermənistanın sorğusu əsasında adı çəkilən ölkəyə dəstək tədbirlərinin gücləndirilməsi istiqamətində müzakirələr aparır.

Ordu.az-ın ABŞ Konqresinin saytına istinadən məlumatına görə, bunu dövlət katibi Antoni Blinken Nümayəndələr Palatası Xarici Əlaqələr Komitəsinin iclasında deyib.

Bununla yanaşı o, apreldə həm Ermənistanın Baş naziri Nikol Paşinyan, həm də Avropa Komissiyasının Prezidenti Ursula von der Leyenlə görüşünü xatırladıb:

“Avropa İttifaqı rəsmiləri ilə bu istiqamətdə aparılan məsləhətləşmələr Ermənistan hökumətinə hansı istiqamətlər üzrə dəstəyin verilməli olduğunu müəyyənləşdirmək məqsədi daşıyıb. Biz belə qərara gəlmişik ki, həyata keçiriləcək tədbirlər bütün istiqamətləri əhatə etməlidir” - deyə, A. Blinken fikirlərini tamamlayıb.

O həmçinin əlavə edib ki, ölkəsi Ermənistanla Azərbaycan arasında sülh müqaviləsinin imzalanacağına inanır.

Ordu.az

© Materiallardan istifadə edərkən hiperlinklə istinad olunmalıdır


Teqlər: Blinken   ABŞ   Ermənistan  


Bizi "telegram"da izləyin