Bolqarıstan Prezidenti Rusiya üzərində qələbəni qeyri-mümkün hesab edir

2024/05/1715159551.jpg
Oxunub: 215     19:37     18 May 2024    
“Sülh tərəfdarı olduğu üçün radikallaşmış bir fanatik tərəfindən Avropanın baş nazirinə sui-qəsd cəhdi başqalarının fikirlərinə dözümsüzlüyün nəticələrinin bariz nümunəsidir. Rusiya və Ukrayna arasında müharibədən yaranan ehtiraslar Avropada nifrət alovlandıranda, sülh üçün səslər silah səsləri ilə qarşılandıqda bu son dərəcə təhlükəlidir. Müharibənin davam etdirilməsi və Rusiya üzərində qeyri-mümkün qələbənin vəziyyətdən yeganə mümkün çıxış yolu kimi təqdim edilməsi qəbuledilməzdir”.

Ordu.az xəbər verir ki, bunu Bolqarıstan Prezidenti Rumen deyib.

O vurğulayıb ki, Avropada nifrətin artmasına bir çox siyasətçilər, partiyalar və media kömək edib və onlar Avropanın mövqeyindən fərqli olan istənilən baxışı Rusiyapərəst adlandırırlar ki, bu da ədalətsiz olmaqla yanaşı, həm də mənfi nəticələrə gətirib çıxarır:

“Bütün qan tökülmələri militarist çağırışlarla başlayır, bu, müharibə ehtiraslarını buraya köçürmək üçün heç bir yaxşılığa səbəb olmayacaq”.

O hesab edir ki, Ukraynaya silah tədarükündən asılı olmayaraq, döyüşlərin nəticəsi göz qabağındadır: “Əgər bu müharibə dayandırılmasa, Ukrayna demoqrafik cəhətdən məhv olacaq, onun infrastrukturu, sənayesi və istehsalı da tamamilə məhv olacaq. Bunlar təkcə Ukrayna üçün deyil, bütün Avropa üçün son dərəcə ağır nəticələr olacaq”.

Ordu.az

© Materiallardan istifadə edərkən hiperlinklə istinad olunmalıdır


Teqlər: Bolqarıstan   Rusiya  


Bizi "telegram"da izləyin