Ukraynanın Baş naziri: "Rusiya qalib gələrsə, Üçüncü Dünya müharibəsi başlayacaq"

2024/04/1713417578.jpg
Oxunub: 209     08:56     18 Aprel 2024    
Ukrayna Rusiya ilə müharibədə məğlub olarsa, Üçüncü Dünya müharibəsi başlayacaq.

Ordu.az xəbər verir ki, bu barədə Ukraynanın Baş naziri Denıs Şmıqal BBC-yə müsahibəsində söyləyib.

Şmıqal amerikalı qanunvericilərin Kiyevə 60 milyard dollardan çox vəsaitin ayrılmasını nəzərdə tutan qanun layihəsini qəbul edəcəklərinə (səsvermə aprelin 20-də baş tutacaq – red.) dair ehtiyatlı nikbinliyini bildirib.

“Bizə bu pul dünən lazımdır, sabah yox, bu gün yox”, – Baş nazir vurğulayıb.

“Ukrayna uduzsa... Qlobal, dünya təhlükəsizlik sistemi məhv olacaq və bütün dünya yeni təhlükəsizlik sistemi axtarmalı olacaq. Çoxlu münaqişələr, belə müharibələr olacaq və bu, sonda Üçüncü Dünya müharibəsinə gətirib çıxara bilər”, – Şmıqal əlavə edib.

Xatırladaq ki, daha əvvəl Ukrayna Prezidenti Volodimir Zelenski Üçüncü Dünya müharibəsi ilə bağlı xəbərdarlıq etmişdi.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Rusiya  


Bizi "telegram"da izləyin