Qazaxıstanda insanları Ukrayna müharibəsinə cəlb edən şəxs saxlanılıb

2024/04/1713000821.jpg
Oxunub: 157     13:05     13 Aprel 2024    
Qazaxıstanda insanları Ukraynada müharibəyə cəlb edən Rusiya vətəndaşı saxlanılıb.

Ordu.az-ın məlumatına görə, bu barədə ölkənin Daxili İşlər Nazirliyinin teleqram kanalında məlumat verilib.

Bildirilib ki, Almatı aeroportunda olduğu müəyyən edilən 32 yaşlı bu şəxs Tacikistanın sorğusu əsasında Moskva-Almatı təyyarəsindən enərkən tutulub.

Onun 2023-cü ilin sentyabr ayından başlayaraq Tacikistan ərazisində yerli vətəndaşları, eləcə də vətəndaşlığı olmayan şəxsləri Ukrayna və digər ölkələrin ərazisində davam edən silahlı münaqişələrə cəlb etdiyi aşkarlanıb.

O da qeyd olunub ki, müvafiq prosedurlardan sonra bu şəxs Tacikistana ekstradisiya olunacaq.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qazaxıstan   Ukrayna  


Bizi "telegram"da izləyin