Türkiyənin hərbi gəmisi Gürcüstanın ərazi sularına daxil olub

2024/03/640px-1709567422.jpg
Oxunub: 273     19:05     04 Mart 2024    
Türkiyə Hərbi Dəniz Donanmasının "TCG YILDIRIM F-243 freqat Gürcüstanın ərazi sularına daxil olub.

Ordu.az xəbər verir ki, bu barədə Gürcüstanın Daxili İşlər nazirliyi (DİN) məlumat yayıb.

Bildirilib ki, Batumi limanında lövbər atmış hərbi gəminin heyətini Gürcüstan DİN-in Sahil Mühafizəsi Departamentinin direktoru, birinci dərəcəli kapitan Ramaz Papidze, Acarıstan Muxtar Respublikası hökumətinin sədri Tornike Rijvadze, eləcə də Batumi meri Arçil Çikovani qarşılayıb. Hərbi gəminin qarşılanması mərasimində Türkiyənin Gürcüstandakı səfiri Ali Kaan Orbay da iştirak edib.

Səfərin məqsədinn NATO proqramı çərçivəsində Gürcüstan Sərhəd Polisinin Sahil Mühafizəsi Departamentinin “Oçamçire” və “Dioskuriya” gəmilərinin ikinci səviyyəli özünüqiymətləndirməsini keçirmək olduğu bildirilib.

Qeyd olunub ki, Türkiyə hərbi gəmisi Batumi limanını martın 10-da tərk edəcək.

Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Gürcüstan  


Bizi "telegram"da izləyin