Azərbaycan səfiri Taliban XİN rəhbərinin müavini ilə görüşüb

2024/02/1709109644.jpg
Oxunub: 128     12:35     28 Fevral 2024    
Azərbaycanın Əfqanıstandakı səfiri İlham Məmmədov Taliban xarici işlər nazirinin müavini Şirməhəmməd Abbas Stankəzai ilə görüşüb.

Ordu.az xəbər verir ki, bu barədə “Tasnim” məlumat yayıb.

Görüşdə nazir müavini Əfqanıstanın iqtisadi vəziyyətini yaxşılaşdırmağa çalışdığını, balanslaşdırılmış və iqtisadi yönümlü siyasət yürütdüyünü, eləcə də bütün ölkələrlə yaxşı münasibətlərə maraqlı olduqlarını vurğulayıb.

Səfir İlham Məmmədov təhlükəsizliyin təmin edilməsi, iqtisadi tərəqqi və narkotiklərlə mübarizə sahəsində səyləri yüksək qiymətləndirib. Bununla yanaşı, Azərbaycanın Əfqanıstanla bu sahədə, eyni zamanda, mədəniyyət, iqtisadi və ticarət sahələrində əməkdaşlığa hazır olduğunu bildirib.

Qeyd edək ki, 13 yanvar 2021-ci ildə Azərbaycan Prezidenti İlham Əliyev Azərbaycan Respublikanın Əfqanıstanda səfirliyinin təsis edilməsi haqqında qanunu imzalayıb. 15 fevral 2024-cü ildə Səfir İlham Məmmədov xarici işlər naziri Əmir Xan Müttəqi ilə görüşüb və Kabildə səfirliyin açılması ilə bağlı rəsmi məktubu təqdim edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Azərbaycan   Taliban   XİN  


Bizi "telegram"da izləyin