Aİ İranda həbsdə olan əməkdaşının azadlığını tələb edir

2023/06/1686049465.jpg
Oxunub: 8274     17:00     11 Dekabr 2023    
Avropa İttifaqı (Aİ) Avropa Komissiyasının (AK) casusluq ittihamı ilə İranda həbs edilmiş əməkdaşının dərhal azad edilməsini tələb edir.

Ordu.az TASS-a istinadən xəbər verir ki, bunu Aİ-nin diplomatik xidmət nümayəndəsi Nabila Massralı bildirib.

“Aİ İsveç vətəndaşı və AK-nın əməkdaşı olan Yuhan Floderusu dərhal azad etməyə çağırır. Qurum İran tərəfi ilə bütün təmaslar zamanı bu məsələni gündəmə gətirmək niyyətindədir”, - o qeyd edib.

Qeyd edək ki, İran prokurorluğu Aİ-nin xarici siyasət xidmətində çalışan 33 yaşlı İsveç vətəndaşını İsrailin xeyrinə casusluq etməkdə ittiham edib. İran prokurorluğunun nümayəndəsinin sözlərinə görə, Floderus korrupsiyada, ölkənin təhlükəsizliyinə qarşı yönəlmiş addımlarda və s. ittiham olunub.

İran hüquq-mühafizə orqanlarının məlumatına görə, o, insan haqları, o cümlədən qadın hüquqları, sanksiyalar və Tehranın nüvə proqramı ilə bağlı sahələrdə təxribat xarakterli fəaliyyətlər həyata keçirmək üçün İsrailin maraqlarına uyğun məlumatlar toplayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər:   İran  


Bizi "telegram"da izləyin