Misir özünün yeni YARS-ını təqdim edib

2023/12/atars-1702107204.jpg
Oxunub: 5913     13:54     09 Dekabr 2023    
Misir Hərbi İstehsal Nazirliyi Qahirədə keçirilən EDEX 2023 beynəlxalq müdafiə sərgisində “Raad 200” və ya “Thunder 200” adlı ilk yerli istehsal Yaylım Atəşli Reaktiv Sistemini (YARS) təqdim edib.

Ordu.az-ın xəbərinə görə, Misir Hərbi İstehsal Nazirliyi qeyd edib ki, 65% yerli müdafiə qabiliyyətinə malik olduğu bildirilən yeni YARS Misirin müdafiə sənayesi istehsalında atdığı addımların əhəmiyyətli bir sübutudur.

Zirehli tırtıllı vasitəyə quraşdırılan “Raad 200” saatda 45 km-ə qədər sürəti ilə diqqət çəkir. Sistemin Misirin hərbi arsenalına 40 kilometrə qədər məsafədəki hədəfləri vura bilən mühüm bir varlıq da əlavə edəcəyi bildirilir.

Misirin hərbi istehsal naziri Mohamed Salah El-Dinin sözlərinə görə, “Raad 200”ün hazırlanması nazirlik daxilində müxtəlif təşkilatların birgə səyi nəticəsində olub. Bu birgə səy Misirin hərbi modernləşdirilməsi məqsədlərinə uyğun gələn ən müasir YARS-ın yaradılması ilə nəticələnib.

Məlumata görə, 122 mm-lik raketləri atmağa qadir olan sistem 40 kilometrlik maksimum mənzilə malikdir və BRE1 122 mm HE raket mərmiləri də daxil olmaqla bir çox elementə uyğundur.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Misir   YARS  


Bizi "telegram"da izləyin