Növbədənkənar prezident seçkilərində seçkiqabağı təşviqatın aparılması müddəti açıqlanıb

2023/12/16951-1702060863.jpg
Oxunub: 4458     22:34     08 Dekabr 2023    
Növbədənkənar Prezident seçkilərində seçkiqabağı təşviqatın aparılması müddəti açıqlanıb.

Ordu.az-ın xəbərinə görə, bu, Mərkəzi Seçki Komissiyasının təsdiqlədiyi “Növbədənkənar Prezident seçkilərinin keçirilməsi üzrə əsas hərəkətlərin və tədbirlərin Təqvim planı”nda əksini tapıb.

Qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılması səsvermə gününə 23 gün qalmış başlanır və səsvermənin başlanmasına 24 saat qalmış dayandırılır. Beləliklə, növbədənkənar prezident seçkilərində seçkiqabağı təşviqat 2024-cü il yanvarın 15-i başlayır, fevralın 6-sı saat 8.00-da dayandırılır

Ordu.az

© Materiallardan istifadə edərkən hiperlinklə istinad olunmalıdır


Teqlər: Növbədənkənar-prezident-seçkiləri  


Bizi "telegram"da izləyin