ABŞ esminesi PUA-lar və raketlərlə hücuma məruz qalıb

2023/12/1701627944.jpg
Oxunub: 471     22:24     03 Dekabr 2023    
ABŞ Hərbi Dəniz Qüvvələrinin “Carney” esminesi və Qırmızı dənizdəki bir neçə ticarət gəmisi Yəməndən atılan raket və pilotsuz uçuş aparatları ilə hücuma məruz qalıb.

Ordu.az xəbər verir ki, bu barədə Qətərin “Əl-Cəzirə” telekanalı adı açıqlanmayan Pentaqon rəsmisinə istinadən məlumat yayıb.

ABŞ Hərbi Dəniz Qüvvələrinin gəmisi ticarət gəmisinin qəza çağırışına cavab verib. Esmines pilotsuz uçan aparatı məhv edib və həmçinin ticarət gəmisinə atılan ən azı bir ballistik raket aşkarlayıb.

Hücum nəticəsində xəsarət alan olmayıb.

Qeyd edək ki, Yəmənin “Ənsar Allah” şiə qruplaşmasına məxsus husi üsyançıları da Babül-Məndəb boğazında Böyük Britaniyanın ticarət gəmisinə pilotsuz uçuş aparatı ilə hücum edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   HDQ   Yəmən  


Bizi "telegram"da izləyin