İspaniya “Airbus”dan 27 ədəd SIRTAP Taktiki PUA Sistemi sifariş edib

2023/12/SIRTA-1701413991.jpg
Oxunub: 8437     01:58     03 Dekabr 2023    
İspaniya havadan kəşfiyyat, müşahidə və aşkarlama (ISR) qabiliyyətini artırmaq üçün “Airbus”dan 27 ədəd SIRTAP Taktiki Pilotsuz Uçuş Aparatı (PUA) Sistemi sifariş edib.

Ordu.az xəbər verir ki, təxminən 540 milyon dollar dəyərində olan müqaviləyə daxil edilən hər sistemə 3 PUA və 1 yerüstü idarəetmə stansiyası daxildir.

Digər tərəfdən, İspaniya müqavilə çərçivəsində 2 simulyator da alacaq.

İspaniya Müdafiə Nazirliyi ilk PUA-nın 2026-cı ildə xidmətə daxil olmasının planlaşdırıldığını açıqlayıb. “Airbus”un SIRTAP PUA-sının ilk uçuşunu 2025-ci ildə etməyi planlaşdırdığını nəzərə alsaq, bu tarix çox aqressiv bir zaman qrafikidir.

SIRTAP-ın alınması İspaniya ordusunun inventarında İsrail istehsalı olan “Searcher MkII” təyyarəsini əvəz edəcək. Digər tərəfdən, İspaniya Hərbi Hava Qüvvələrinin hazırda uçurduğu ABŞ istehsalı olan “Predator” PUA-larına əlavə olaraq ISR imkanlarını artıracaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: İspaniya   Airbus   SIRTAP   PUA  


Bizi "telegram"da izləyin