Ordu.az nəşrə istinadən xəbər verir ki, Yunanıstanın Xarici İşlər və Müdafiə Nazirliyi İsraildən iki növ raket almaq üçün təşəbbüslərə başlamağı qərara alıb.
KİV Baş nazir Kiriakos Mitsotakisin sədrliyi ilə keçirilən şura iclasında qərarın qəbul edildiyini və qərarın “Rampage” “hava-yer” raketləri ilə yanaşı, “Spice” bombalarının da alınmasını ehtiva etdiyini yazıb.
Xəbərdə 137 milyon dollara “hava-yer” tipli dəqiq idarə olunan sursat olan ən azı 300 ədəd “Spice” bombasının alınacağı bildirilib.
Həmçinin alınacaq yeni raketlərin ölkənin F-16 parkının imkanlarını böyük ölçüdə artıracağı qeyd olunub.
“Rafael Advanced Defense Systems” tərəfindən istehsal edilən “Spice” hazırda İsrail, Kolumbiya, Braziliya, Hindistan və Sinqapurda istifadə olunur.
Sevinc Əliyeva
Ordu.az
