Ötən il iki dövlət arasında obyektin modernləşdirilməsinə dair saziş imzalanıb ki, bu da həm Naxçıvanın iqtisadi strukturunu dəstəkləyir, həm də Azərbaycan müdafiə sənayesi üçün mühüm infrastruktur yaradır. ASFAT təcrübəsini ötürmək üçün qısa müddətdə fəaliyyətə başladı.
ASFAT uzun illər malik olduğu infrastruktur və texnologiya ilə birlikdə Naxçıvandakı fabrikin ehtiyaclarını müəyyən edib. Lazım olan dəzgah və avadanlıqlar Türkiyə istehsalıdır və sərfəli qiymətə verilir. Zavodun binası üçün müasir elektrik, istilik-soyutma və işıqlandırma sistemləri də yenilənib.
7 ayda tamamlandı
Hazırlanan layihənin ardınca 7 ay kimi qısa müddətdə modernləşdirmə işləri başa çatdırılıb. Zavod Azərbaycan Ordusunun istifadəsində olan müxtəlif quru platformalarına texniki qulluq və modernizasiya işlərini həyata keçirəcək.
Bu fabriklə xaricdə aparılan əməliyyatlar yerli imkanlarla həyata keçiriləcək.
Azərbaycanın istifadə etdiyi quru platformaları
Azərbaycan Quru Qoşunlarının inventarında T-90, T-72, T-55 tanklarından əlavə, BMP-1, 2, 3 Piyada Döyüş Maşınları, BTR-60, 70, 80 və 90 seriyalı Təkərli Zirehli Personal Daşıyıcıları, lisenziya əsasında istehsal edilən “Matador” və “Marauder” avtomobilləri, habelə “Otokar Akrep”, ATM və “Kobra” tipli maşınlar da mövcuddur.
Ərdoğanın Naxçıvana səfəri mühüm mesajdır
Ərdoğanın sentyabrın 25-də Azərbaycanın Türkiyə ilə sərhədini təşkil edən Naxçıvan Muxtar Respublikasına bir günlük səfəri Qafqazda siyasi və hərbi balansların dəyişməsi baxımından əhəmiyyətlidir.
Azərbaycan Prezidenti İlham Əliyevin dəvəti ilə qərara alınan Ərdoğanın səfəri Azərbaycanın Qarabağda yeni silahlı təxribata başlayan erməni qruplaşmalarının təslim olması ilə nəticələnən 19-20 sentyabr antiterror tədbirlərindən dərhal sonra baş tutub.
İlham Əliyevlə təmaslarından sonra keçirdiyi birgə mətbuat konfransında Ərdoğan Azərbaycanın qısa müddətdə uğurla başa vurduğu əməliyyatın regionda hərtərəfli normallaşma üçün yeni imkan pəncərələri açdığını deyib. “Biz Ermənistandan ona uzadılan sülh əlini tutmasını və səmimi addımlar atmasını gözləyirik”, - deyə o bildirib.
Firuz Bağırov
Ordu.az
