Cənubi Koreya Ukraynaya yeni hərbi dəstək paketi göndərəcək

2023/09/kaypa-1695296294.jpg
Oxunub: 13889     19:21     21 Sentyabr 2023    
Cənubi Koreyanın Milli Müdafiə Nazirliyi Cənubi Koreyanın Kiyevi Rusiyanın işğalından müdafiə etmək üçün növbəti yardım tranşının bir hissəsi olaraq Ukraynaya 2 ədəd K600 “Rhino” mina təmizləmə maşını göndərəcəyini açıqlayıb.

Ordu.az xəbər verir ki, bu barədə Cənubi Koreya Milli Müdafiə Nazirliyinin açıqlamasında bildirilir.

“Hökumətimiz bu yaxınlarda Ukraynaya artıq təmin edilmiş köhnə mina detektorlarına əlavə olaraq, ən qısa müddətdə 2 ədəd maneə təmizləmə maşını təqdim etmək qərarına gəlib”, - deyə məlumatda qeyd olunub.

Cənubi Koreya Prezidenti Yun may ayında Yaponiyanın Xirosima şəhərində keçirilən G7 sammitində Ukrayna Prezidenti Zelenskiyə qeyri-öldürücü məhsullar, o cümlədən minalardan təmizləmə avadanlığı göndərəcəyini və müharibədən sonrakı bərpa işlərinə yardım edəcəyini vəd edib.

K600 öldürücü silah olmasa da, lazım gəldikdə düşmən müdafiəsini aşmaq üçün istifadə oluna bilər ki, bu da onu Cənubi Koreyanın Ukraynaya verdiyi ən güclü vasitəyə çevirir.

K600 “Rhino” yüksək mobil və ağır zirehli minaaxtaran və maneə aşma təmizlənməsi sistemidir. Döyüş mühəndisliyi maşını manevr qabiliyyətinə uyğun sürət və qabiliyyətə malik olmaqla, döyüş mühəndislərinin hərəkətliliyini və sağ qalma qabiliyyətini artırmaq üçün nəzərdə tutulub.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Cənubi-Koreya   Ukrayna  


Bizi "telegram"da izləyin