ABŞ Gürcüstana 140 ton hərbi yardım göndərib

2023/02/63dd0-1675431575.jpg
Oxunub: 473     17:40     03 Fevral 2023    
ABŞ Gürcüstan Müdafiə Nazirliyinə (MN) 140 ton hərbi yardım göndərib.

Ordu.az xəbər verir ki, bu barədə ABŞ-ın Tbilisidəki səfirliyi “Facebook”da bildirib.

Səfirlik ölkəyə hansı növ hərbi yükün gəldiyi barədə dəqiq məlumat verməyib.

"Gürcüstanın MN-ə 140 ton hərbi yük təhvil verdik. ABŞ Gürcüstanla strateji tərəfdaşlığa sadiqdir və ölkənin Silahlı Qüvvələrini gücləndirməyə davam edəcək", - səfirliyin bəyanatında deyilib.

Qeyd edək ki, Gürcüstan və ABŞ arasında 1990-cı illərin sonundan müdafiə, təhlükəsizlik sahələrində, 1992-ci ildən isə siyasi, iqtisadi, ticarət, əməkdaşlıq mövcuddur.

Xatırladaq ki, 2009-cu ilin yanvarında Vaşinqtonda ABŞ-ın o dövrdəki Dövlət katibi Kondoliza Rays və Gürcüstanın sabiq xarici işlər naziri Qriqol Vaşadzenin iştirakı ilə iki ölkə arasında təhlükəsizlik, müdafiə, ticarət, iqtisadiyyat, mədəniyyət, eləcə də humanitar sahədə əməkdaşlığın inkişaf etdirilməsini nəzərdə tutan strateji tərəfdaşlığa dair sənəd imzalanıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Gürcüstan  


Bizi "telegram"da izləyin