“2022-ci il ərzində hətta vasitəçilər hərtərəfli sülh sazişi üzrə danışıqlar aparmağa çalışsalar da, ən son sentyabr ayında baş vermiş üç böyük toqquşma vəziyyətin qeyri-sabitliyini göstərdi. Qarabağın dağlıq hissəsinin gələcəyi qonşular arasında münaqişənin mərkəzində qalsa da, sərhədlər boyu və Ermənistan daxilində baş verən sentyabr döyüşləri döyüş meydanını genişləndirib”, - Beynəlxalq Böhran Qrupunun hesabatında deyilir.

Qeyd olunur ki, Azərbaycanın böyük hərbi üstünlüyə malik olduğu və Rusiyanın Ukraynadakı müharibə ilə diqqəti yayındırdığı bir şəraitdə, danışıqlarda səbirsizlik göstərsə, Bakının bu yeni cəbhədə öz üstünlüyündən istifadə etməsinə mane ola biləcək bir şey yoxdur.

Təşkilatın hesabatında deyilir ki, bu, iki ölkəni böyük insan itkiləri ilə və bütün Cənubi Qafqazın ziyanına yenidən müharibəyə apara bilər.

“Avropa İttifaqının (Aİ) Ermənistan və Azərbaycan sərhədində yeni mülki monitorinq missiyası riskləri azaltmağa kömək edəcək cəsarətli və ümidverici addımdır. Missiyanın uğurlu olması üçün onu vəsait və mandatla təmin etmək lazımdır”, - deyə hesabatda bildirilir.

Alpər Mövludoğlu
Ordu.az