Ordu.az xəbər verir ki, bunu müdafiəçisi erməni vəkil Amram Makinyan deyib.

“Nə baş verdiyi bəllidir: prokuror həqiqətin üzə çıxacağından qorxur. İş üzrə birinci şahidin dindirilməsindən məlum oldu ki, əslində nə baş verib”, - deyə o bildirib.

Makinyanın sözlərinə görə, iş üzrə şahidlərdən biri Sevan Köçəryan təqsirləndirilən şəxslərdən birinin adını ümumiyyətlə bilməsə də, ibtidai istintaq zamanı adını açıq-aydın yazıb.

“Bu, şahidin yönləndirildiyini göstərir. Prokurorun hiddətlənməsi, ayağa qalxması, suallarımızı verməmizə mane olması həqiqətin üzə çıxmasının qarşısını almaq məqsədi daşıyırdı”, - deyə o qeyd edib.

Alpər Mövludoğlu
Ordu.az