Ukrayna uzaqmənzilli raketlərin tədarükü ilə bağlı Qərblə danışıqlar aparır

2022/03/62221-1646401688.jpg
Oxunub: 244     15:20     28 Yanvar 2023    
Rəsmi Kiyev Ukraynaya aviasiya texnikası və uzaqmənzilli raketlərin tədarük edilməsi ilə bağlı Qərb ölkələri ilə dinamik danışıqlar aparır.

Ordu.az xəbər verir ki, bunu Ukrayna Prezident Ofisinin rəhbərinin müşaviri Mixail Podolyak “Dom” telekanalına müsahibəsində deyib.

Siyasətçi hesab edir ki, Ukrayna hökuməti narazılıq ifadə etmək əvəzinə, zəruri silahların verilməsinin barədə hər gün açıq şəkildə müraciət etməlidir.

Qeyd edək ki, bu ilin yanvarın 26-da Ukrayna Prezidenti Vladimir Zelenski bir sıra Qərb ölkələrinin ölkəsinə tanklar göndərmək qərarını qəbul etməsindən sonra NATO-nun müasir döyüş təyyarələri və uzaqmənzilli raketlər göndərməsi üçün müraciət edib.

Həmçinin, Ukraynanın XİN rəhbəri Dmitri Kuleba da bəyan edib ki, bəzi Avropa ölkələri Kiyevə ABŞ istehsalı olan F-16 qırıcılarının verilməsi məsələsini gündəmə gətiriblər.

Xatırladaq ki, bu bəyanatlardan sonra 27 yanvar tarixində Ağ Evin Milli Təhlükəsizlik Şurasının Strateji Kommunikasiyalar Direktoru Con Kirbi rəsmi Vaşinqtonun Kiyev tərəfindən qırıcı təyyarələr, o cümlədən F-16-lar barədə müraciətlərini qəbul etdiyini, lakin bu məsələ ilə bağlı yeni qərarın olmadığını deyib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Raket  


Bizi "telegram"da izləyin