ABŞ-ın birbaşa ölkə kimi vasitəçiliyi MQ-nin “dirçəltməsi” xəyallarını suya düşürür

2021/02/atet2-1614184517.jpg
Oxunub: 252     17:15     27 Yanvar 2023    
ABŞ Dövlət Departamentinin mətbuat katibinin köməkçisi Vinsent Patel brifinqdə Rusiyanın Cənubi Qafqazda sülhü təşviq edib-etməməsi ilə bağlı sualı cavablandırarkən deyib ki, ABŞ 10 Noyabr üçtərəfli bəyanatında tərəf deyil. O qeyd edib ki, məsələ dövlət katibi Blinken üçün çox vacibdir və o, hələ də danışıqlarda iştirak edir.

ABŞ 10 Noyabr bəyanatının tərəfi deyil və bu, hamıya məlum olan faktdır. Bununla belə, ABŞ Minsk Qrupu adlanan və artıq öz dövrünü başa vuran təşkilatın tərəfidir. Qrup ATƏT-in 1992 və 1994-cü il qərarları ilə yaradılıb və 1997-ci ildə həmsədrlik formatı kimi müəyyən edilib. Həmin qərarlar və mandat bu gün də qüvvədə qalır.

Ancaq Minsk Qrupu de-fakto fəaliyyətini dayandırıb, lakin mandat de-yure mövcuddur, ləğv edilməyib. Rusiya, ABŞ və Fransa bu vasitəçilik mandatının tərəfi olmaqda davam edirlər.

Ermənistan ABŞ-ın bu açıqlamasını Minsk Qrupunun yenidən canlandırılması kimi qələmə verir. Ancaq Blinkenin danışıqlarda iştirak etməsi Minsk Qrupu formatında həyata keçirilmir, ABŞ burada birbaşa ölkə kimi vasitəçilik edir. Odur ki, ermənilərin Minsk Qrupunun “dirçəltməsi” cəhdləri faydasızdır.

Aqil Məmmədov  
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Minsk-qrupu  


Bizi "telegram"da izləyin