Ermənistanda Daxili İşlər naziri vəzifəsi üçün ehtiraslar qızışır – Kampaniya başlayıb

2021/01/d45d4-1610787229.jpg
Oxunub: 330     19:12     03 Dekabr 2022    
“Öz komandası daxilində “qara siyahı”lar yaradan və komanda yoldaşlarına qarşı sui-qəsdlər təşkil edən Ermənistan parlamentinin müdafiə və təhlükəsizlik üzrə daimi komissiyasının sədri Andranik Köçəryanın növbəti “qurbanı” ölkənin polis rəisi Vahe Qazaryandır”.

Ordu.az xəbər verir ki, bu barədə Ermənistanın “Joğovurd” nəşri yazıb.

Nəşrin məlumatına görə, Köçəryana yaxın olan bir neçə hakim fraksiya deputatı dekabrın 9-da Ermənistanın polis rəisi Vahe Qazaryanın parlamentə gəlişinə hazırlaşır.

“Məlum olduğu kimi, dekabrın 6-da parlamentin növbəti iclası işə başlayacaq və ilkin məlumata görə, dekabrın 9-da Daxili İşlər Nazirliyinin yaradılması müzakirə edilməlidir. Vahe Qazaryan həmin gün çox sakit olmayacaq, çünki bəzi hakim fraksiya üzvləri onun fəaliyyətini tənqid etmək qərarına gəliblər. Məsələ burasındadır ki, Andranik Köçəryanın hakim fraksiyadakı qanadı Vahe Qazaryanın daxili işlər naziri olmasının qarşısını almaq üçün hər şeyi edir və onun pis işinin göstəricisi olaraq siyasi hakimiyyətə parlamentin keçmiş üzvü Mher Sedrakyanın adı ilə bağlı polis qərarlarından biri göstərilib. Ona görə də belə fikirlər səslənib ki, onlar əvvəlki hakimiyyət nümayəndələrinin əməllərinə qarşı mübarizə aparırlar və polis rəisi onlarla sövdələşmə aparır”, - deyə nəşr bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   DİN  


Bizi "telegram"da izləyin