Kreml Baydenin şərtlərini qeyri-mümkün adlandırıb

2022/10/1667144521.jpg
Oxunub: 288     14:13     02 Dekabr 2022    
ABŞ prezidenti Co Bayden faktiki olaraq Rusiya Federasiyası ilə danışıqların yalnız Vladimir Putin Ukraynanı tərk etdikdən sonra mümkün olduğunu deyib, lakin bu, mümkün deyil, xüsusi əməliyyat davam edir.

Ordu.az xəbər verir ki, bunu Kremlin mətbuat katibi Dmitri Peskov bildirib.

Onun sözlərinə görə, Kreml buna hazır deyil.

"Sözsüz ki, xüsusi hərbi əməliyyat davam edir. Məqsədlərimizə çatmaq üçün prezident Putin hamı ilə danışıqlara açıq olub, indi də açıqdır və açıq olaraq qalır. ABŞ hələ də Rusiya Federasiyasının tərkibində yeni əraziləri tanımır və təbii ki, bu, hansısa qarşılıqlı zəmin axtarışını, qarşılıqlı müzakirə üçün mümkün olan zəmin axtarışını xeyli çətinləşdirir", - deyə Kremlin sözçüsü vurğulayıb.

Qeyd edək ki, Bayden Putinlə yaxın gələcəkdə təmas qurmağı planlaşdırmadığını, lakin Rusiya prezidenti Ukraynadakı münaqişənin sona çatmasında “maraq göstərərsə” belə bir ehtimalın mümkün olduğunu açıqlayıb. Eyni zamanda, Amerika lideri vurğulayıb ki, Rusiya prezidenti ilə gələcək təmaslar ABŞ-ın NATO-dakı tərəfdaşları ilə məsləhətləşmələri əsasında mümkündür.

Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Rusiya  


Bizi "telegram"da izləyin