Qırğızıstanın deputatı Qazaxıstanla sərhəddə itkin düşüb

2022/11/1669550289.jpg
Oxunub: 321     13:14     27 Noyabr 2022    
Qırğızıstan Respublikasının deputatı Elvira Surabaldiyeva tviterdəki səhifəsində həmkarı Çingiz Aydarbekovun yoxa çıxdığını, deputat Emil Jamqırçiyevin isə Qazaxıstanla sərhəddə Qırğızıstan Respublikasının Milli Təhlükəsizlik üzrə Dövlət Komitəsinin (MTDK) əməkdaşları tərəfindən saxlanıldığını bildirib.

Ordu.az xəbər verir ki, bu barədə “Report” xarici mətbuata istinadən xəbər verir.

Onun sözlərinə görə, dəfn mərasiminə iki kişi gedib. Amma Qazaxıstanla sərhəddə yerləşən “Ak Jol” sərhəd-keçid məntəqəsində məlum olub ki, Jamqırçiyevin çıxışına qadağa qoyulub. Qadın deputat əlavə edib ki, MTDK tərəfindən saxlanılıb, lakin bir müddət sonra sərbəst buraxılıb.

“Aydarbekov heç yerdə yoxdur, onu tapa bilmirik. Dünəndən bəri əlaqə yoxdur. MTDK susur”, - o, ikinci deputatın taleyi ilə bağlı qeyd edib.

“Sputnik” agentliyinin Qırğızıstan üzrə regional bölməsi yazıb ki, MTDK-nin mətbuat xidmətindən hələlik şərh almaq mümkün deyil.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qazaxıstan   Deputat  


Bizi "telegram"da izləyin