Birinci vitse-prezidentin köməkçisi Ermənistanın sülh sazişindən boyun qaçırmasını Ekvador rəsmilərinə çatdırıb

2020/10/16026-1603693650.jpg
Oxunub: 342     04:49     27 Noyabr 2022    
Cari ilin 24-26 noyabr tarixlərində Azərbaycan Respublikasının Birinci vitse-prezidentinin köməkçisi, səfir Elçin Əmirbəyovun rəhbərlik etdiyi nümayəndə heyəti Latın Amerikası ölkələrinə işgüzar səfəri çərçivəsində Ekvadorun paytaxtı Kito şəhərində bir sıra rəsmi görüşlər keçirib.

Ordu.az xəbər verir ki, bu barədə Azərbaycanın Brazilyadakı səfirliyi məlumat yayıb.

E.Əmirbəyov Ekvadorun Xarici İşlər və İnsan Mobilliyi nazirinin müavini, İstehsal, Xarici Ticarət, İnvestisiyalar və Balıqçılıq nazirliyinin nazir müavini, eləcə də, bu ölkənin Milli Assambleyasının Xarici Əlaqələr Komitəsinin rəhbəri ilə görüşərək, ölkələrimiz arasında siyasi, iqtisadi və humanitar sahələrdə ikitərəfli münasibətlərin indiki durumu və inkişaf perspektivləri, Azərbaycanın təşəbbüs etdiyi regional sülhün və inkişafın bərqərar olması mövzusu ətrafında geniş fikir mübadiləsi aparıb.

Aparılan söhbətlər əsnasında qarşı tərəfə həmçinin, Ermənistanın ölkəmizə qarşı apardığı təcavüz və işğal siyasətinin ağır nəticələrinə və törətdiyi çoxsaylı müharibə cinayətlərinə dair ətraflı məlumatlar təqdim edilib.

Ermənistanın sülh sazişi prosesindən boyun qaçırması, onların ölkəmizə qarşı müxtəlif yöndə yeni təxribatların törətməsi, sülh prosesi çərçəvəsində rəsmi İrəvanın öz üzərinə götürdüyü öhdəliklərdən boyun qaçırması halları barədə məlumatlar da Ekvador rəsmilərinin diqqətinə çatdırılıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Təxribat  


Bizi "telegram"da izləyin