Türkiyə Ukraynanın Donetsk, Luqansk, Xerson və Zaporojye vilayətlərinin ilhaqını pisləyib

2022/05/df123-1653549310.jpg
Oxunub: 361     01:59     01 Oktyabr 2022    
"Türkiyə 2014-cü ildə keçirilən qeyri-legitim referendumla Krımın Rusiya tərəfindən ilhaqını tanımayıb və hər fürsətdə Ukraynanın ərazi bütövlüyü, müstəqilliyi və suverenliyinə güclü dəstəyini vurğulayıb. 2014-cü ildə qəbul etdiyimiz bu mövqeyə uyğun olaraq, biz Rusiyanın Ukraynanın Donetsk, Luqansk, Xerson və Zaporojye vilayətlərini ilhaq etmək qərarını rədd edirik".

Ordu.az xəbər verir ki, belə bir açıqlama ilə Türkiyənin Xarici İşlər Nazirliyi (XİN) çıxış edib.

Bildirilib ki, Türkiyənin beynəlxalq hüququn formalaşmış prinsiplərinin kobud şəkildə pozulduğu bu qərarı qəbul etməsi mümkün deyil:

"Biz daha da ciddiləşən müharibənin danışıqlar yolu ilə əldə ediləcək ədalətli sülh əsasında həllini dəstəklədiyimizi bir daha bəyan edirik".

Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Ukrayna  


Bizi "telegram"da izləyin