Türkiyənin İsrailə səfiri ən qısa zamanda təyin olunacaq - Ərdoğan

2022/07/1d99c-1656669097.jpg
Oxunub: 255     00:30     18 Avqust 2022    
Türkiyə Prezidenti Rəcəb Tayyib Ərdoğan ilə İsrailin Baş naziri Yair Lapid arasında telefon danışığı olub.

Ordu.az xəbər verir ki, bu barədə Türkiyə Prezidenti Administrasiyasının Kommunikasiya İdarəsindən bildirilib.

Məlumata əsasən, danışıq əsnasında Türkiyə-İsrail münasibətləri və regional məsələlər dəyərləndirilib.

Prezident Ərdoğan İsrail dövlətinin başçısı İsxak Hersoq və İsrailin Baş naziri Yair Lapidin Türkiyəyə səfərləri zamanı razılaşdırılmış çərçivədə Türkiyə-İsrail əlaqələrinin inkişafından məmnunluğunu ifadə edib.

Qarşılıqlı olaraq elan edilən səfir təyinatı qərarına toxunan Prezident Ərdoğan, yeni səfirin təyin olunması üçün ən qısa zamanda lazımi addımları atacaqlarını bildirib.

Türkiyə Prezidenti ölkəsi ilə İsrail arasında əməkdaşlığın və dialoqun davamlı inkişafını dəstəklədiyini ifadə edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Ərdoğan  


Bizi "telegram"da izləyin