Rusiya sərhədçiləri 9 aya yaxındır Mehri-Əkərək yolunda modul bazalar quraşdırıblar

2022/08/1659959066.jpg
Oxunub: 623     17:42     09 Avqust 2022    
“Təxminən 9 aya yaxındır ki, Mehri-Əkərək yolunda Rusiya sərhədçilərinin “Dövlət Sərhədi” qanununa uyğun olaraq xidməti həyata keçirən modul tipli keçid məntəqələri quraşdırılıb”.

Ordu.az xəbər verir ki, bunu Meğri icmasının rəhbəri Baqrat Zakaryan deyib.

O, bu bazaların quraşdırılmasının səbəblərini açıqlamayıb.

“Mehri icmasının rəhbəri kimi aidiyyatı idarələrlə əlaqə saxlamağınızı xahiş edəcəm, deyə bilərəm ki, bu modul bazalar 8-9 aydır quraşdırılıb. Rusiya sərhədçilərinin xidməti Ermənistan və Rusiyanın birgə imzaladığı sənədlər əsasında həyata keçirilir. Həmin sərhəd zonasında sərhəd-keçid məntəqələri var, ona görə də Rusiya sərhədçi qoşunlarının əhəmiyyəti var”, - deyə icma rəhbəri bildirib.

Zakaryanın sözlərinə görə, Rusiya sərhədçiləri hər dəfə vətəndaşları yoxlamırlar, lakin vətəndaşların gediş-gəlişinin bir saatdan artıq dayandırılması halları var ki, bu da sakinlərin qəzəbinə səbəb olur.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Mehri   Əkərək  


Bizi "telegram"da izləyin