Ermənistan RNP: “Rusiyanın Ermənistandakı diplomatik nümayəndəliyinin bənzər davranışını pisləyirik”

2022/07/12312-1657014219.jpg
Oxunub: 405     15:32     05 İyul 2022    
“Rusiya Federasiyasının Ermənistandakı səfirliyi öz mətbuat xidməti vasitəsilə rəsmi bəyanat yayıb və Kanada hökumətinin Ermənistan da daxil olmaqla postsovet ölkələrində səfirliklər açmaq mövqeyi ilə bağlı narazılığını ifadə edib”.

Ordu.az xəbər verir ki, bu barədə Ermənistanın Respublika Naminə Partiyasının yaydığı bəyanatda bildirilib.

Partiya qeyd edib ki, Rusiyanın Ermənistandakı diplomatik nümayəndəliyinin bənzər davranışını pisləyir.

“Rusiya səfirliyinə və səfir Kopirkinə şəxsən bildirməyi zəruri hesab edirik ki, hər hansı bir ölkənin diplomatik nümayəndəliyinin yerləşdiyi ölkədə hər hansı bir ölkənin diplomatik nümayəndəliyinin açılması ilə bağlı bəyanatlar verməsi, o cümlədən Ermənistanın tərəfdaşlarına qarşı ittihamlar səsləndirməsi doğru deyil. Rusiya səfirliyinin qəbuledilməz davranışı ilə bağlı Ermənistanın rəsmi strukturlarından adekvat cavab gözləyirik”, - deyə bəyanatda bildirilib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Ermənistan  


Bizi "telegram"da izləyin