“Hraparak”: Moskvada fəaliyyət göstərən 161 səfirdən yalnız erməni səfir cangüdənlərlə gəzir

2021/07/timth-1626935126.jpg
Oxunub: 722     09:42     29 İyun 2022    
Ermənistanın Rusiyadakı fövqəladə və səlahiyyətli səfiri Vağarşak Harutyunyan hər yerə mühafizəçilərin müşayiəti ilə gedir.

Ordu.az xəbər verir ki, bu barədə Ermənistanın “Hraparak” nəşri yazıb.

Nəşrə görə, Harutyunyan hətta Rusiyada dövlət qurumlarına gedəndə belə özü ilə mühafizəçiləri də aparır ki, bu da Rusiya rəsmilərini təəccübləndirib.

“Vağarşak Harutyunyan hətta yeni vəzifə - səfirin qardaşı oğlunun tutduğu köməkçi-mühafizəçi vəzifəsini də təqdim edib. Cangüdənlər səfirin qəbul şöbəsində əyləşirlər. Deyirlər Rusiya xarici işlər naziri Lavrov hətta qeyd edib ki, Harutyunyan Moskvada fəaliyyət göstərən 161 səfirdən mühafizəçisi olan yeganə şəxsdir. Ermənistanın Rusiyadakı səfiri hər şeydən qorxur. Onun ziyarətçiləri telefonu çöldə qoyurlar, ofisə telefonsuz daxil olurlar. Bu detallar Ermənistan səfirliyinin dəhlizlərində deyilir. Ermənistan Xarici İşlər Nazirliyi səfirin cangüdənlərlə gəzməsi ilə bağlı məlumatımızı təkzib edir. Səfirliyin maliyyələşdirilməsində gözlənilən artım da müzakirə mövzusudur. Səfirliyin avtoparkının əlavə vəsait hesabına yenilənəcəyi istisna edilmir. Yeri gəlmişkən, bu yaxınlarda Moskva erməniləri Rusiyada yaşayan bəzi erməni iş adamlarına qırmızı diplomatik nömrələr verildiyini müşahidə ediblər. Məlumatlarımızı dəqiqləşdirmək üçün Xarici İşlər Nazirliyinə yazılı müraciət etdik, suallarımıza cavab olaraq cəmi iki kəlmə aldıq: “Bu, reallığa uyğun gəlmir””, - deyə nəşr bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Moskva   Harutyunyan  


Bizi "telegram"da izləyin