İtaliya Ukraynaya yenidən silah göndərməyə hazırlaşır

2022/04/16431-1650611695.jpg
Oxunub: 339     13:36     26 İyun 2022    
İtaliya hakimiyyəti Ukraynada münaqişə başlayandan bəri Kiyevə yenidən silah tədarükü ilə bağlı yeni idarələrarası fərman hazırlayır.

Ordu.az xəbər verir ki, bu barədə “Il Messaggero” qəzeti yazıb.

Qeyd olunub ki, tədarük edilən silahların siyahısı ilə bağlı yekun qərar NATO-nun ayın sonunda Madriddə keçiriləcək sammitindən sonra alyansdakı tərəfdaşlarla razılaşdırıldıqdan sonra veriləcək.

Nəşr vurğulayır ki, əvvəlki dövrlərdə olduğu kimi, silahların siyahısı təsnifləşdiriləcək, lakin onun məlumatlarına əsasən, bura M130 özüyeriyən artilleriya qurğusu, həmçinin haubitsalar və zirehli hərbi maşınlar daxil olacaq.

Qəzet qeyd edir ki, Roma daha ağır hərbi texnika və yüksək texnoloji silahlar göndərməyəcək. Buna səbəb Ukrayna hərbçilərinin kifayət qədər hazır olmamasıdır. Eyni zamanda, italyanların Ukrayna hərbçilərinin Qərb silahlarından istifadə etmək üçün təlim keçməsinə daha böyük töhfə verə biləcəyi istisna edilmir.

Ordu.az

© Materiallardan istifadə edərkən hiperlinklə istinad olunmalıdır


Teqlər: İtaliya   Ukrayna  


Bizi "telegram"da izləyin