“Regionumuzun 6 ölkəsindən yalnız Ermənistan dərin tənəzzülündən çıxa bilməyib” - Avetisyan

2021/02/12778-1613311772.jpg
Oxunub: 407     11:01     02 İyul 2022    
Ermənistan parlamentinin “Hayastan” fraksiyasının deputatı, Daşnaksütun təşkilatının üzvü Tadevos Avetisyan öz məqaləsində sosial-iqtisadi vəziyyətin mütəmadi olaraq təhrif edilməsinə toxunub.

Ordu.az xəbər verir ki, Avetisyan Ermənistanın hazırkı hakimiyyətinin torpaqları təhvil verdiyini bildirib.

“Bugünkü səlahiyyətlilər torpağı təhvil veriblər və təhvil verirlər. Regionumuzun altı ölkəsindən (Ermənistan, Rusiya, Gürcüstan, İran, Türkiyə, Azərbaycan) 2021-ci ildə yalnız Ermənistan əsas makro göstəricilərlə 2020-ci ilin dərin sosial-iqtisadi tənəzzülündən çıxa bilməyib. Və bu, 2022-ci ildə hakimiyyətin anti-sosial dövlət büdcəsi qəbul etməsinin əsas səbəbi idi. 2020-ci ilin əvvəlindən inflyasiyanın yüksəlməsi şəraitində minimum əmək haqqı, yoxsulluğa görə müavinətlərin və pensiyaların əsas məbləği artırılmayıb”, - deyə o qeyd edib.

Erməni deputat vurğulayıb ki, reallığı gizlətmək üçün mütəmadi olaraq təhrif olunmuş vəziyyəti təsvir edirlər.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Tənəzzül  


Bizi "telegram"da izləyin