Ceyhun Bayramov: “Şərqi Zəngəzurda sənaye parkında Azərbaycan-Rusiya birgə mərkəzi yaradılıb”

2022/06/trend-1656064880.jpg
Oxunub: 404     13:48     24 İyun 2022    
Şərqi Zəngəzur regionundakı sənaye parkında Azərbaycan-Rusiya birgə mərkəzi yaradılıb.

Ordu.az xəbər verir ki, bunu Azərbaycanın xarici işlər naziri Ceyhun Bayramov Bakıda rusiyalı həmkarı Sergey Lavrovla birgə keçirdiyi mətbuat konfransında deyib.

Nazir Horadiz-Ağbənd dəmir yolu üçün Azərbaycanın Rusiyadan 20 min ton dəmir yolu relsi alacağını da əlavə edib.

“Həmçinin, Rusiya şirkətlərinin iştirak etdiyi önəmli layihələr arasında dəmir yolu xətlərinin bərpasını, Horadiz-Ağbənd dəmir yolu layihəsi üçün dəmir yolu relslərinin tədarükünü qeyd etmək olar. Rusiya şirkətləri ilə 20 min ton təmir yolu relsinin alınması barədə müqavilə var ki, onun artıq üçdə bir hissəsi yerinə yetirilib”.

Ceyhun Bayramov azad olunmuş torpaqlarda onlarla Rusiya şirkətinin fəaliyyət göstərdiyini vurğulayıb. O, Rusiya və Azərbaycanın dövlət qurumları, biznes strukturları arasında müntəzəm əlaqənin olduğunu da xatırladıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ceyhun-Bayramov   Şərqi-Zəngəzur  


Bizi "telegram"da izləyin